06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Այս տարի գրանցեցինք բոլոր ժամանակների լավագույն արդյունքը․ ՀԲՖ նախագահ
30.12.2025 | 15:55
Հայաստանի բռնցքամարտի ֆեդերացիայի նախագահ Հովհաննես Հովսեփյանն ամփոփել է 2025 թվականն ու շնորհավորական ուղերձ հղել Ամանորի առթիվ:
«Հայկական բռնցքամարտի մեծ ընտանիք, մեր համատեղ ջանքերով 2025-ը հայկական բռնցքամարտի պատմության մեջ կմնա որպես հաջողությունների ու պատմական նվաճումների տարի։ Մեր միասնական աշխատանքի, նվիրումի և անսասան կամքի շնորհիվ աշխարհի և Եվրոպայի առաջնություններում այս տարի նվաճեցինք 78 մեդալ՝ գրանցելով բոլոր ժամանակների լավագույն արդյունքը։
Տարին հիշարժան էր նաև կազմակերպչական առումով։ Ամենաբարձր մակարդակով անցկացվեցին մինչև 23 տարեկանների և երիտասարդների Եվրոպայի առաջնությունները, որտեղ նույնպես արձանագրեցինք պատմական արդյունքներ՝ ևս մեկ անգամ բարձր պահելով հայկական սպորտի ու բռնցքամարտի պատիվը:
Վստահ եմ, որ առաջիկայում նույնպես ջանքն ու եռանդ չենք խնայի հայրենիքին նոր հաղթանակներ, նոր մեդալներ և նոր հպարտության պահեր պարգևելու համար։ Շնորհավորում եմ բոլորիդ Նոր տարվա և Սուրբ Ծննդյան կապակցությամբ։ Թող գալիք տարին լինի խաղաղ, առողջ, հաջողություններով լի և հաղթանակների տարի»,- ֆեյսբուքյան էջում գրել Հովհաննես Հովսեփյանը։
Հիշեցնենք, որ այս տարի աշխարհի ու Եվրոպայի առաջնություններում հայ բռնցքամարտիկները նվաճել են 78 մեդալ՝ 11 ոսկե, 34 արծաթե և 33 բրոնզե: Դեկտեմբերին Դուբայում կայացած աշխարհի առաջնությունում բրոնզե մեդալակիր էին դարձել Ռուդոլֆ Գարբոյանը (51 կգ), Արթուր Բազեյանը (60 կգ), Հովհաննես Բաչկովը (67 կգ), Ռաֆայել Հովհաննիսյանը (86 կգ) և Դավիթ Չալոյանը (+92 կգ)։
