30.10.2026 | 10:45
Ուկրաինական ԱԹՍ-ների գրոհի հետևանքով Սամարայի մարզի նավթավերամշակման գործարանում հրդեհ է բռնկվել
«Հայաստան ԱՄՆ փոխնախագահի այցի մասին այս պահին դեռևս վաղ է խոսել»․ Վահան Կոստանյան
Քաղաքականություն
30.12.2025 | 16:34
«Հայաստանի և Միացյալ Նահանգների միջև բավականին սերտ է համագործակցությունը, և վերջին ամիսներին ընթացքում էլ տեսել ենք, որ բավականին բարձրաստիճան այցեր են տեղի ունեցել Հայաստան»,-այս մասին Factor TV-ի հետ զրույցում նշել է արտաքին գործերի նախարարի տեղակալ Վահան Կոստանյանը՝ արձագանքելով ԱՄՆ փոխնախագահ Ջեյ Դի Վենսի Հայաստան այցի մասին տեղեկություններին։
Նրա խոսքով՝ հատկանշական է, որ անգամ շաթդաունի պայմաններում, երբ սահմանափակված էին Միացյալ Նահանգների պաշտոնյաների օտարերկրյա գործուղումները, նման այցեր Հայաստան տեղի են ունեցել։
«Փոխնախագահի այցի մասին այս պահին դեռևս վաղ է խոսել։ Բայց հույս ունենք, որ մյուս տարի Հայաստանում կհյուրընկալենք Միացյալ Նահանգների բարձրաստիճան տարբեր պատվիրակությունների»,-նշել է նա։
Հարցազրույցի տեսագրությունը դիտեք այսօր Factor TV-ի յութուբյան ալիքում։
