29.06.2026 | 16:28
Իրանը հերքում է ԱՄՆ-ի հետ այս շաբաթ կայանալիք տեխնիկական բանակցությունների մասին լուրերը
Զելենսկին խոսել է Ֆլորիդայում բանակցությունների ժամանակ տարածքների հարցի շուրջ Կիևի փոխզիջման մասին
Քաղաքականություն
30.12.2025 | 15:39
Ամերիկյան Fox News հեռուստաալիքը հրապարակել է Ուկրաինայի նախագահ Վլադիմիր Զելենսկու 13 րոպեանոց հարցազրույցը, որը ձայնագրվել է ԱՄՆ նախագահ Դոնալդ Թրամփի հետ Ֆլորիդայում անցյալ կիրակի կայացած բանակցություններից հետո, գրում է BBC-ի ռուսական ծառայությունը։
Դրանում Զելենսկին, մասնավորապես, կրկնում է, որ Վաշինգտոնի հետ պատերազմը դադարեցնելու վերաբերյալ գործող համաձայնագրում երկու հարց մնում է չլուծված։ Դրանցից մեկը տարածքի խնդիրն է։
«Ինձ թվում է՝ մենք առաջարկել ենք փոխզիջում։ Եթե մենք ներդնենք ազատ տնտեսական գոտի [Դոնբասում], և Ուկրաինան հեռանա որոշակի կիլոմետրեր, ապա Ռուսաստանը նույնպես պետք է հետ քաշվի որոշակի կիլոմետրեր»,- հարցազրույցում ասել է Զելենսկին։
Նրա խոսքով՝ նման գոտին կունենա հատուկ կանոններ։
«Եթե որոշումը վերաբերում է տնտեսական գոտու կամ նմանատիպ մի բանի, հանրաքվեն միջոց է կա՛մ այն ընդունելու, կա՛մ մերժելու համար»,- հայտարարել է Զելենսկին։
Ըստ նրա՝ ուկրաինացիները չեն ընդունի ուկրաինական բանակի պարզ դուրսբերումը Դոնբասի տարածքից, որը մնում է Ուկրաինայի վերահսկողության տակ։
«Մենք չենք կարող մեզ թույլ տալ նախագահ Թրամփի հետ համաձայնագիր ստորագրել, այնուհետև դա հանրաքվեի դնելու հիմարությունը՝ գիտակցելով, որ ժողովուրդը դեմ կքվեարկի դրան։ Մեր խնդիրն է՝ գտնել իրական խաղաղության ուղի, որը կբավարարի ուկրաինացի ազգին»,- եզրափակել է Ուկրաինայի նախագահը։
Թարգմանությունը՝ Էմմա Չոբանյանի
