29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
ԹԵԺ ԲԱՆԱՎԵՃ․ Գործակալների լյուստրացիա. անհրաժեշտությո՞ւն, թե՞ քաղաքական գործիք
Քաղաքականություն
26.12.2025 | 19:00
Պե՞տք է, արդյոք, Հայաստանում օտարերկրյա գործակալների ամբողջական կամ մասնակի լյուստրացիա իրականացվի, թե՝ ոչ. այս հարցն արդիական է դարձել հատկապես վերջին օրերին։ Վարչապետը կաթողիկոսին և նրա եղբորը մեղադրում է գործակալ լինելու և «օտարերկրյա հատուկ ծառայության ավագ լեյտենանտին զեկուցելու» մեջ։ Իշխանական Civic.am-ն ԱԱԾ-ին հղումով փաստաթուղթ է հրապարակել, պնդելով՝ այն հաստատում է, որ Եզրաս արքեպիսկոպոսը ԿԳԲ-ի գործակալ է։ Կայքը նաև գրում է, որ ըստ ԱԱԾ-ի՝ նշյալ անձը նաև հիմա է գործակցում օտարերկրյա հատուկ ծառայության հետ։ Եզրաս արքեպիսկոպոսը և Մայր Աթոռը չեն արձագանքել այս հրապարակմանը։
Եթե փաստաթուղթն իրական է, հարց է առաջանում՝ ինչո՞ւ ՀՀ հատուկ ծառայությունները որոշեցին ամբողջական լյուստրացիայի փոխարեն գաղտնազերծել ընդամենը մեկ օտարերկրյա գործակալի։ Ի վերջո, պե՞տք է արդյոք իրագործվի ոչ միայն ԿԳԲ-ի, այլև ՖՍԲ-ի կամ այլ հատուկ ծառայությունների գործակալների լյուստրացիա ՀՀ-ում։
Factor TV-ում հրավիրել ենք քննարկում, որին մասնակցում են Հովսեփ Խուրշուդյանը՝ «Ազատ քաղաքացի» հասարակական կազմակերպության ղեկավար, Էդգար Խաչատրյանը՝ «Խաղաղության երկխոսություն» ՀԿ ղեկավար, իրավապաշտպան, Գևորգ Սաֆարյանը՝ Ազգային-ժողովրդավարական բևեռի անդամ, Վարդան Խաչատրյանը՝ «Միացյալ Հայաստան» կուսակցության փոխնախագահ, Կարինե Հակոբյանը՝ հասարակագետ։
Հաղորդումն ամբողջությամբ՝ տեսանյութում։
Ռոբերտ Անանյան
