30.10.2026 | 18:48
Ալեքսանյան-Վարդևանյան-Կոնջորյան բանավեճ՝ ապօրինի գույքի բռնագանձման թեմայով․ ՏԵՍԱՆՅՈՒԹ
ArCa-ով կատարվող ոչ բոլոր վճարումներից հետվճար կստացվի․ ՏԵՍԱՆՅՈՒԹ
Տեսանյութեր
26.12.2025 | 14:51
Կառավարությունը հաստատել է «Արմենիան քարդ» ՓԲԸ-ի կողմից գործարկվող «Արքա» վճարային համակարգի միջոցով ֆիզիկական անձանց կողմից կատարված անկանխիկ եղանակով վճարումներից հետվճար տրամադրելու միջոցառումը և կարգը: Ֆինանսների նախարարի տեղակալ Էդգար Մկրտչյանը նշեց, որ 2026 թվականի հունվարի 1-ից անկանխիկ գործարքի գումարի հետվճարի չափը կազմելու է 2 տոկոս։
«Հետվճարի 2 տոկոսից 1 տոկոսը տալու է պետությունը, իսկ մյուս 1 տոկոսը «Արմենիան քարդ» ընկերությունը։ Գումարը հետ է վերադարձվելու մինչև հաջորդ ամսվա 25-ը։ Գործարքները պետք է լինեն 1000 դրամից ավելի։ Մեկ գործարքի դեպքում առավելագույն հետ վերադարձի գումարը սահմանափակված է 6 հազար դրամ, իսկ մեկ ֆիզիկական անձի հաշվով ամսական հանրագումարային հետ վերադարձի չափը կլինի 60 հազար դրամ։ Նշեմ, որ խոսքը բացառապես «Արքա» տեսակի քարտերին է վերաբերում»,-ասաց նախարարի տեղակալը։
Որոշ սահմանափակումներ կան մի շարք ծառայությունների գծով, երբ չի փոխհատուցվելու ծախսը։ Այդ ուղղություններն են՝ կապ, կոմունալ վճարումեր, պետական և համայնքային բյուջեների օգտին կատարվող վճարումներ, խաղատներ, խաղային ծառայություններ, կրիպտոծառայություններ, ազարտային խաղեր, թանկարժեք քարերի ու մետաղների առք ու վաճառք։
Մանրամասները՝ տեսանյութում։
