09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանը հարվածել է Օդեսայի հարավում երկու էներգետիկ օբյեկտների
Քաղաքականություն
26.12.2025 | 15:23
Դեկտեմբերի լույս 26-ի գիշերը Ռուսաստանն Օդեսայի վրա անօդաչու թռչող սարքերի հերթական հարձակումն է իրականացրել, գրում է Current time-ը։
Քաղաքի ռազմական վարչակազմի ղեկավար Սերգեյ Լիսակի խոսքով՝ թիրախը «ենթակառուցվածքային օբյեկտ» է եղել, և անօդաչու թռչող սարքի հարվածի վայրում հրդեհ է բռնկվել։ Օդեսայի կարևորագույն ենթակառուցվածքների ռուսական ռազմական հարվածները տեղի են ունենում ամեն օր, ինչը հանգեցնում է էլեկտրաէներգիայի և ջրամատակարարման խափանումների։
Ուրբաթ գիշերը Օդեսայում ջերմաստիճանը նվազել է մինչև -8 աստիճանի։ Սակայն ռուսական տելեգրամ ալիքները պնդում են, որ այս անգամ հարվածը թիրախավորել է ոչ թե էներգետիկ օբյեկտը, այլ Օդեսայի և Իզմայիլի նավահանգստային ենթակառուցվածքները։
ДТЭК-ը հայտնել է, որ Ռուսաստանի ռազմական ուժերը հարձակվել են հարավում գտնվող երկու էներգետիկ օբյեկտների վրա:
«Վնասը զգալի է: Սարքավորումների վերականգնումը ժամանակ կպահանջի։Մենք աշխատում ենք ինտենսիվ եղանակով՝ հետևանքները հնարավորինս արագ վերացնելու համար»,- ասվում է ընկերության հայտարարության մեջ:
Ուկրաինայի ռազմաօդային ուժերի տվյալներով՝ գիշերը երկրի վրա հարձակվել են 99 ռուսական անօդաչու թռչող սարք և մեկ հրթիռ։ Չեզոքացվել է 73 անօդաչու թռչող սարք։ 16 վայրերում գրանցվել են բալիստիկ հրթիռի և 26 հարվածային անօդաչու թռչող սարքերի հարվածներ։
Թարգմանությունը՝ Էմմա Չոբանյանի
