09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վոլգոգրադում ԱԹՍ-ները, ենթադրաբար, հարձակվել են «Լուկօյլ»-ի նավթավերամշակման գործարանի վրա. ՏԵՍԱՆՅՈՒԹ
Քաղաքականություն
26.12.2025 | 13:12
Ռուսաստանի Պաշտպանության նախարարությունը հայտնել է ուկրաինական 77 անօդաչու թռչող սարքի խոցման մասին հինգ շրջաններում, բռնակցված Ղրիմում, ինչպես նաև Սև ու Ազովի ծովերում, գրում է Current time-ը։
Գերատեսչության տվյալներով՝ Վոլգոգրադի մարզում ՀՕՊ ուժերն ամենաշատ անօդաչուներն են խոցել՝ 23 ԱԹՍ։ Նահանգապետ Անդրեյ Բոչարովը գիշերը գրել է, որ ՀՕՊ ստորաբաժանումները հետ են մղում անօդաչու թռչող սարքերի հարձակումները։ Նա չի հայտնել հարվածների հետևանքների մասին։
Shot տելեգրամ ալիքը հաղորդում է, որ պայթյունների մեծ մասը տեղի է ունեցել քաղաքի Կրասնոարմեյսկի շրջանում, երկնքում տեսանելի են եղել պայծառ լուսարձակներ։ Այս տարածքում է գտնվում «Լուկօյլ-Վոլգոգրադնեֆտեպերերաբոտկա» նավթավերամշակման գործարանը։ Ուկրաինական «Supernova+» ալիքը հաղորդում է, որ պայթյունը տեղի է ունեցել այս գործարանի մոտակայքում։
Սա Հարավային դաշնային շրջանում նավթամթերքի խոշորագույն արտադրողն է։
Ուկրաինայի զինված ուժերը բազմիցս հարձակվել են գործարանի վրա, իսկ 2025 թվականի օգոստոսին, հերթական հարվածից հետո, այն դադարեցրել էր գործունեությունը։
Թարգմանությունը՝ Էմմա Չոբանյանի
