10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Երևանի ավտոտնակներից մեկում մեքենա է այրվել. կա տուժած
25.12.2025 | 22:38
Դեկտեմբերի 25-ին Նուբարաշենի 20-րդ փողոցի տներից մեկի մոտակայքում գտնվող ավտոտնակում բռնկված հրդեհի հետևանքով այրվել է «Mercedes-Benz» մակնիշի ավտոմեքենա․ վարորդը ստացել է այրվածքներ և տեղում բուժօգնություն է ստացել շտապօգնության աշխատակիցների կողմից։Այս մասին տեղեկացնում են. ՆԳՆ Փրկարար ծառայությունից։
«Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային կառավարման ազգային կենտրոնի օպերատիվ խմբերը։
Պարզվել է, որ հրդեհը բռնկվել է Նուբարաշենի 20-րդ փողոցի տներից մեկի մոտակայքում գտնվող ավտոտնակում։
Հրդեհը մեկուսացվել է ժամը 18:57-ին, մարվել՝ 19։10-ին: Ավտոտնակում այրվել է «Mercedes-Benz» մակնիշի ավտոմեքենան, ջերմահարվել է ավտոտնակի տանիքը (20 քմ)։ Վարորդը ձեռքերի շրջանում ստացել է այրվածքներ. շտապօգնության աշխատակիցները վերջինիս տեղում ցուցաբերել են համապատասխան բուժօգնություն»,- ասված է հաղորդագրությունում։
