23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
Կրեմլը շարունակում է վերլուծել Դմիտրիևի զեկույցը Մայամիի բանակցություններից հետո
Քաղաքականություն
25.12.2025 | 19:36
Կրեմլը շարունակում է վերլուծել Մայամիի բանակցություններից հետո ՌԴ նախագահ Վլադիմիր Պուտինին նրա հատուկ դեսպան Կիրիլ Դմիտրիևի կողմից փոխանցված տեղեկատվությունը, այնուհետև կշարունակի շփումները Միացյալ Նահանգների հետ՝ կախված պետության ղեկավարի որոշումից։ Այս մասին ասել է նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Մենք զբաղվում ենք Դմիտրիևի կողմից Պուտինին փոխանցվածի վերլուծությամբ։ Այնուհետև, կախված պետության ղեկավարի կողմից կայացված որոշումներից, մենք կշարունակենք մեր շփումն ամերիկացիների հետ»,- ասել է նա՝ պատասխանելով հարցին, թե երբ կարելի է Ուկրաինայի նախագահ Վլադիմիր Զելենսկիի կողմից հրապարակված ԱՄՆ-Ուկրաինա խաղաղության ծրագրին պատասխան սպասել։
Հիշեցնենք, որ Զելենսկին առաջին անգամ հրապարակել էր խաղաղության ծրագրի 20 կետերը։
Թարգմանությունը՝ Էմմա Չոբանյանի
