29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Հունահռոմեական ոճի ըմբշամարտի Հայաստանի հավաքականում կլինեն փոփոխություններ․ Արմեն Բաբալարյան
24.12.2025 | 16:08
Հունահռոմեական ոճի ըմբշամարտի Հայաստանի հավաքականի գլխավոր մարզիչ Արմեն Բաբալարյանն ամփոփել է Չարենցավանում կայացած Հայաստանի առաջնությունը, որին մանսակցել էր 69 ըմբիշ։
«Առաջնությունից իսկապես բավականություն ստացա: Նորանոր մարզիկներ ի հայտ եկան: Սա ոգևորիչ է, քանի որ ամեն քաշային կարգում կարող է լինել մի քանի մարզիկ, ինչն էլ կբերի մրցակցության թիմի ներսում: Առաջնությունը շատ լավ էր կազմակերպված թե՛ Հայաստանի ըմբշամարտի ֆեդերացիայի, թե՛ Չարենացավանի համայնքապետարանի կողմից։
Թիմում կլինեն փոփոխություններ: Ինքս տեսնում եմ մի քանի քաշային կարգի մարզիկների, որոնք կլինեն ազգային թիմում: Երիտասարդները պետք է միանան մեծերին, ու եթե մեծերը չկարողանան պահպանել իրենց դիրքը` կփոխարինվեն երիտասարդներով»,- մարզիչի խոսքը մեջբերում է «Արմենպրեսը»։
Հունահռոմեական ոճի ըմբշամարտի Հայաստանի չեմպիոն էին դարձել Մանվել Խաչատրյանը (55 կգ), Սուրեն Աղաջանյանը (60 կգ), Կարեն Ասլանյանը (63 կգ), Յուրա Հովսեփյանը (67 կգ), Գասպար Տերտերյանը (72 կգ), Սամվել Տերտերյանը (77 կգ), Սամվել Գրիգորյանը (82 կգ), Գևորգ Թադևոսյանը (87 կգ), Հայկ Խլոյանը (97կգ) և Ալբերտ Վարդանյանը (130 կգ):
Հայաստանի հավաքականը 2026 թվականի առաջին հավաքը կանցկացնի հունվարի 10-ից Ծաղկաձորում։
