07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Հռոմի պապ Լևոն XIV-ի այցը Ադրբեջան օրակարգում է
Քաղաքականություն
24.12.2025 | 15:28
Հռոմի պապ Լևոն XIV-ի այցը Ադրբեջան օրակարգում է։ Այս մասին ադրբեջանական Report-ին ասել է Ադրբեջանի կաթոլիկ եկեղեցու առաքելական պրեֆեկտ, եպիսկոպոս Վլադիմիր Ֆեկետեն։
Այնուամենայնիվ, նա քիչ հավանական է համարում, որ նման այց տեղի կունենա հաջորդ տարի։
«Ես կասկածում եմ, որ այցը կկայանա արդեն հաջորդ տարի։ Նա (Հռոմի պապը) ստացել է բազմաթիվ հրավերներ, սակայն տարեկան կատարում է ընդամենը հինգ կամ վեց արտասահմանյան այցելություն։ Եթե դա տեղի ունենա երկրորդ կամ երրորդ տարում, դա արդեն մեծ նվաճում կլինի»,- նշել է Ֆեկետեն։
Պատասխանելով Բաքվում կառուցվելիք Սուրբ Հովհաննես Պողոս II կաթոլիկ եկեղեցու բացմանը Հռոմի պապի մասնակցության հնարավորության վերաբերյալ հարցին՝ նա ընդգծել է, որ դա մեծ նվեր կլինի:
«Եթե Հռոմի պապը գա եկեղեցու բացմանը, դա մեծ նվեր կլինի մեզ համար: Բայց դա կախված է նրա ժամանակացույցից»,- հավելել է Ֆեկետեն:
Թարգմանությունը՝ Էմմա Չոբանյանի
