28.07.2026 | 16:45
Թրամփը սիրում է հաղթողներին․ նրա կարծիքով՝ Զելենսկին ավելի ու ավելի է նմանվում նրանցից մեկին․ WSJ
Ինչ է ասել Լևոն Մնացականյանը Բաքվի դատարանում իր եզրափակիչ խոսքում. մանրամասներ
Քաղաքականություն
24.12.2025 | 13:47
Բաքվի զինվորական դատարանում դեկտեմբերի 23-ին շարունակվել է Արցախի ղեկավարների շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ դատական նիստի ընթացքում Արցախի ՊԲ նախկին հրամանատար Լևոն Մնացականյանը շարունակել է իր եզրափակիչ ելույթը։
Մնացականյանն անհամաձայնություն է հայտնել մեղադրանքի կողմի և տուժողների ցուցմունքների հետ՝ 2016 թվականի ապրիլյան մարտերի, վարձկանների և այլ հարցերի վերաբերյալ։ Նա ասել է, որ իրեն մեղադրում են ապրիլյան մարտերը ծրագրելու մեջ, սակայն դա չի համապատասխանում իրականությանը։ Նրա խոսքով՝ ապրիլյան մարտերը տեղի են ունեցել պաշտպանության գոտիներում և դիվիզիաներում, մարտական գործողությունները վերահսկվել են նրանց կողմից։
Ապրիլյան մարտերի ընթացքում, իբր, ադրբեջանական քաղաքացիական օբյեկտներին հասցված վնասի վերաբերյալ Լևոն Մնացականյանը նշել է, որ դրանք դիտավորյալ չեն թիրախավորվել, թիրախը ռազմական օբյեկտներն են եղել։ Նա նաև ասել է, որ Արցախի Պաշտպանության բանակը զենք է ստացել Հայաստանի զինված ուժերից։
Հրետանային բրիգադի նախկին հրամանատար Մնացականյանը նաև խոսել է հրետանային կրակոցների հետևանքով, իբր, անտառներին վնաս հասցնելու և հուշարձաններ ոչնչացնելու մեղադրանքների մասին: Նա հերքել է այս մեղադրանքը՝ ասելով, որ հուշարձանները կարող էին վնասվել այլ զենքերից:
Դատավարությունը կշարունակվի դեկտեմբերի 25-ին։
Թարգմանությունը՝ Էմմա Չոբանյանի
