13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Կարկտապաշտպան ցանցեր արտադրող հայաստանյան ընկերությունը ներկայացրել է միջազգային համագործակցության իր հնարավորությունները
Տնտեսություն
05.11.2018 | 22:26
Հայաստանում կարկտապաշտպան ցանցեր արտադրող և տեղադրում իրականացնող «ՎԱԲԱՏԵՔՍ» ընկերությունը մասնակցել է «ԱրմՊրոդԷքսպո 2018» ամենամյա ցուցահանդեսին, որն անցկացվել է նոյեմբերի 2-4-ը Երևանի մաթեմատիկական մեքենաների գիտահետազոտական ինստիտուտի «Երևան Էքսպո» ցուցահանդեսային համալիրում. տեղեկացնում է «ՎԱԲԱՏԵՔՍ» ընկերության հասարակայնության հետ կապերի բաժինը:
Ցուցահանդեսին ներկայացված են եղել շուրջ 70 կազմակերպություններ, որոնք հանդես են եկել իրենց արտադրանքով, նորություններով և առաջարկներով:
Հանդիսանալով կարկտապաշտպան ցանցերի և տեղադրման համակարգերի առաջին և միակ արտադրողը ինչպես Հայաստանում, այնպես էլ ողջ տարածաշրջանում` «ՎԱԲԱՏԵՔՍ» ընկերությունը ցուցահանդեսի ընթացքում ներկայացրել է համապարփակ տեղեկատվություն ընկերության գործունեության, առաջարկների, ինչպես նաև տեղական և միջազգային մասշտաբով համագործակցության հնարավորությունների վերաբերյալ։ Այս անգամ ընկերության ներկայացվածությունն ամբողջացվել է ցանցապատված այգու իրական օրինակով, որի շնորհիվ առավել ակնառու և մատչելի են դարձել նախաձեռնության բովանդակությունն ու արդյունավետությունը:
Հիշեցնենք, որ կարկտապաշտպան ցանցերի և տեղադրման համակարգերի արտադրությունն արդեն մեկնարկել է Վանաձոր քաղաքում, և ընկերության գործունեությամբ հետաքրքրվում են նաև հարևան երկրները։
