Թուրքիան որոշում է կայացրել արտաքսել ադրբեջանցի  ընդդիմադիր գործչին. Բաքվում նրան սպառնում է ձերբակալություն

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Թուրքիայում որոշում է կայացվել արտաքսել  ընդդիմադիր Ադրբեջանի Ազգային խորհրդի համակարգող խորհրդի անդամ Գյուլթեքին Հաջիբեյլիին, գրում են ադրբեջանական  լրատվամիջոցները։

Նա այս մասին նա հայտարարել է իր ֆեյսբուքյան էջում։ Հաջիբեյլին որոշումը համարում է անհիմն և այն վերագրում է քաղաքական պատճառներին։ Նա իր դիմումը հղել է Թուրքիայի նախագահ Ռեջեփ Թայիփ Էրդողանին։ Հաջիբեյլին նշել է, որ չնայած Թուրքիայում երկամյա բնակության իրավունք ունենալուն և որևէ խախտում թույլ չտալուն, իրեն արտաքսելու որոշում է կայացվել։

«Չնայած այն հանգամանքին, որ ես ունեմ երկամյա բնակության թույլտվություն Թուրքիայում և որևէ կանոն չեմ խախտել, այս որոշումը կայացվել է իմ դեմ։ Սակայն այս որոշման հիմքերը չեն բացատրվում», – ասվում է հայտարարության մեջ։

Քաղաքական գործչի խոսքով՝ նա նոյեմբերի 29-ից պահվում է արտաքսման կենտրոնում՝ ուժեղացված անվտանգության պայմաններում։ Հաջիբեյլին դատական ​​հայց է ներկայացրել՝ վիճարկելով դրա օրինականությունը։

«Ես դատական ​​հայց եմ ներկայացրել, քանի որ նոյեմբերի 29-ից ի վեր պահվում եմ արտաքսման կենտրոնում՝ առանց որևէ իրավական հիմքի։ Այն փաստը, որ արտաքսման որոշումը կայացվել է դատարանի որոշումից առաջ, ցույց է տալիս, որ այն իրավական բնույթ  չի կրում, այլ քաղաքականապես մոտիվացված է», – ասել է նա։

Հաջիբեյլին նաև հայտնել է, որ իրեն Արնավութքյոյի արտաքսման կենտրոնից տեղափոխել են Չաթալջայի կենտրոն: Նա նշել է, որ այս կենտրոնում պահվող անձինք սովորաբար այնտեղ պահվում են կարճ ժամանակահատվածներով, ինչը, նրա կարծիքով, կարող է վկայել Ադրբեջան իր հարկադիր արտաքսման նախապատրաստությունների մասին։

Ռեջեփ Թայիփ Էրդողանին ուղղված իր դիմումում Հաջիբեյլին նշել է, որ Թուրքիան չպետք է աջակցի Ադրբեջանի իշխանությունների կողմից քաղաքական հակառակորդների հետապնդումներին։

«Ես դեռ չեմ կարողանում հավատալ, որ պետությունը, որը ես համարում եմ իմ երկրորդ հայրենիքը և որին միշտ աջակցել և պաշտպանել եմ իմ քաղաքական գործունեության մեջ, կարող է, խախտելով իրավունքի և արդարադատության սկզբունքները, ինձ բռնի կերպով ուղարկել Ադրբեջան, որտեղ ես կարող եմ ձերբակալվել», – նշել է նա։

Նոյեմբերի 29-ին Գյուլթեքին Հաջիբեյլին, ըստ տեղեկությունների, ձերբակալվել է ոստիկանության կողմից իր տանը՝ Թուրքիայում, և վարչական հսկողության տակ է դրվել «ազգային անվտանգությանը սպառնալիք ներկայացնող օտարերկրացիների» կատեգորիայի ներքո՝ G-82 կոդով։

Նա կարծում է, որ ձերբակալությունը կարող է կապված լինել Բաքվում նոյեմբերի 29-ին տեղի ունեցած իրադարձությունների հետ, երբ ձերբակալվել էին  Ադրբեջանի Ժողովրդական ճակատ կուսակցության նախագահ Ալի Քերիմլին և կուսակցության ղեկավարության անդամ Մամեդ Իբրահիմը։

Թարգմանությունը՝ Էմմա Չոբանյանի