22.02.2026 | 12:02
ԱՄՆ-ը հոսպիտալային նավ է ուղարկել Գրենլանդիայի ափերի մոտ․ Թրամփ
Փոփոխություններ ենք նախաձեռնում`օդի որակի ցուցանիշը բարելավելու համար․ բնապահպանության վարչության պետ. ՏԵՍԱՆՅՈՒԹ
Տեսանյութեր
15.12.2025 | 10:32
Երևանի քաղաքապետարանը փոփոխություններ է նախաձեռնում օդի որակը բարելավելու համար։ Այս մասին գործակարգավարական խորհրդակցության ժամանակ հայտարարեց աշխատակազմի բնապահպանության վարչության պետի պաշտոնակատար Սիրարփի Հայկազյանը՝ ընդգծելով, որ ավագանու առաջիկա նիստին երկու որոշման մեջ լրացուցիչ փոփոխություններ են ներկայացնելու, որպեզի նվազեցնեն մարդածին աղբյուրներից արտանետումները։
«Մեկը վերաբերելու է ավագանու 405-Ն որոշմանը և լրացուցիչ սահմանափակումներ են կիրառվելու շինհրապարակների նկատմամբ, և երկրորդը ավագանու 48-Ն որոշումն է, որով պարտադիր բարեկարգման նորմերը կիրառելի ենք դարձնելու նաև հանքավայրերի վերաբերյալ»,- ասաց պաշտոնյան։
Ի պատասխան՝ քաղաքապետ Տիգրան Ավինյանը նշեց, որ օդի որակի խնդիրը Երևանում մեծապես պայմանավորված է օդի ինվերսիայով, բնակլիմայական պայմաններով և մեր աշխարհագրական դիրքով։
«Ինչպես նշեց տիկին Հայկազյանը, մենք ունենք որոշակի լծակներ՝ ազդելու օդի որակի վրա, որոնք կարծում եմ՝ որոշակի ազդեցություն թողնելու են։ Ինչ վերաբերում է գլոբալ փոփոխություններին, մենք, այնուամենայնիվ, պետք է շարունակաբար դիտարկենք մեծ ծավալով կանաչապատման աշխատանքները Երևան քաղաքից դուրս, որպեսզի կարողանանք թեկուզ որոշակի պատնեշ ստեղծել այն քամիների համար, որոնք բերում են այդ սմոգը, այդ օդը դեպի քաղաք։ Շատ դժվար բան եմ ասում, բայց կարծում եմ՝ իրագործելի բան է, և այդ ուղղությամբ պետք է աշխատենք»,- նշեց քաղաքապետը։
Մանրամասները՝ տեսանյութում։
Արփի Հակոբյան
