10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ՔՆՆԱՐԿՈՒՄ. Կբացվի՞ ՀՀ-Ադրբեջան սահմանը. բանակցվում է Բաքվից նավթի գնումը. ի՞նչ նոր զարգացում սպասել․ ՏԵՍԱՆՅՈՒԹ
Քաղաքականություն
12.12.2025 | 21:00
Հայաստանի փոխվարչապետ Մհեր Գրիգորյանը հաստատում է՝ օրերս Գաբալայում Ադրբեջանի փոխվարչապետ Շահին Մուստաֆաևի հետ քննարկել են Ադրբեջանից Հայաստան նավթի ու նավթամթերքի ներկրման հարցը, և համագործակցության հնարավորություններ կան։ Ադրբեջանական վառելիք գնելու հետագա գործընթացը, ասում է փոխվարչապետը, արտահանողների և ներկրողների տիրույթում է՝ այսինքն, մասնավոր ընկերություններ։ Իսկ հնարավոր գործարքների պայմանները կբխեն շուկայից։
Ալիևի օգնական Հիքմեթ Հաջիևն է Դոհայում Արմեն Գրիգորյանի հետ պանելային քննարկմանը հայտնել այս լուրը։ Երկրների անվտանգային քաղաքականության համար պատասխանատու այս պաշտոնյաները վառելիքի հնարավոր գործարքը ներկայացնում էին իբրև հաստատված խաղաղության ինստիտուցիոնալացման պրոցեսի մաս։ Շաբաթներ առաջ Ադրբեջանը վերացրել է իր տարածքով դեպի ՀՀ ներկրումների արգելքը, ինչի արդյունքում ղազախական և ռուսական ցորեն է ներկրվել Հայաստան։ Ինչի՞ մասին է Ադրբեջանից էներգակիրների հնարավոր գնման շուրջ պրոցեսը, ռիսկե՞ր, թե՞ դիվերսիֆիկացման հնարավորություններ են առկա։
Factor TV-ում հրավիրել ենք քննարկում, որին մասնակցում են Սամվել Մելիքսեթյանը՝ Հայկական խորհրդի փորձագետ, քաղաքագետ, Արմեն Պետրոսյանը՝ տարածաշրջանային հարցերով փորձագետ, արևելագետ, Դիաննա Կարապետյանը՝ Ադրբեջանի հարցերով վերլուծաբան, Սոս Խաչիկյանը՝ տնտեսագետ, Գեորգի Միրզաբեկյանը՝ արևելագետ, տարածաշրջային հարցերի հետազոտող։
Հաղորդումն ամբողջությամբ՝ տեսանյութում։
Ռոբերտ Անանյան
