10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Հիմա դուք ուզում եք, որ ես ուրիշների նման ընդդիմադիրներին քննադատե՞մ. Սերժ Սարգսյան․ ՏԵՍԱՆՅՈՒԹ
Քաղաքականություն
11.12.2025 | 17:38
«Քաղաքական ուժերն ասում են, որ եկեղեցու դեմ այս պայքարը նաև մեր ինքնության դեմ պայքար է։ Ի՞նչ եք կարծում, քաղաքական ընդդիմադիր ուժերը չպե՞տք է այս հակապետական ընթացքի դեմ կանգնեն, թե՞ լուռ պետք է հետևեն»,-ի պատասխան լրագրողի այս հարցի՝ Հայաստանի երրորդ նախագահ Սերժ Սարգսյանն ասաց, որ չի կարծում, թե բոլոր ընդդիմադիր ուժերն ուղղակի հետևում են կամ հաճույք են ստանում այդ ամենից:
«Այո, այդ խնդիրը կա՝ միասնական պայքար մղելու, բայց ցավոք սրտի դեռևս չի ստացվում։ Դուք ուզում եք, որպեսզի ես ուրիշների նման քննադատե՞մ ընդդիմադիրներին»,-ասաց Սերժ Սարգսյանը և հիշեցրեց Հակակոռուպցին դատարանի դիմաց իր արած հայտարարությունն այն մասին, որ իրենք պատրաստ են Ամենայն հայոց կաթողիկոս Գարեգին Բ-ի հորդորով ցանկացած գործողության:
Անդրադառնալով Արցախի հարցի բանակցային գործընթացին՝ լրագրողներից մեկն ասաց, որ իշխանություններն ասում են՝ եթե Սարգսյանը հարց լուծող էր, ապա թող մինչև 2018-ը լուծեր:
«Ես ընդհանրապես այսպիսի բաներ չեմ սիրում, բայց համեմատություն պիտի անեմ: Նույնն է, որ կանանցից պահանջեն, որ հինգ ամսում երեխա ունենան, ինչի՞ չեն ունենում: Էդ մոտավորապես նույնն ա: Այսինքն՝ էդ ո՞վ ա ժամկետ դրել, թե ինչ ժամկետում դա պիտի լուծվի: Մենք ամեն ինչ արել ենք, որպեսզի լուծվի դրականորեն: Իսկ ինքը, այ տենց, մալադեց, ապրի, կարճ ժամանակում ամեն ինչը հանձնեց ու լուծեց»,- ասաց Սերժ Սարգսյանը:
Արաքս Մամուլյան
