17.12.2025 | 14:50
Նոտարական գործարքներ՝ թվային միջավայրում․ ինչ փոփոխություններ են սպասվում Կադաստրի կոմիտեում․ ՏԵՍԱՆՅՈՒԹ
Յուրի Խաչատուրովը Հայաստան չվերադառնալու որևէ պատճառ չունի. պաշտպան
Հասարակություն
02.11.2018 | 18:28
Յուրի Խաչատուրովը Հայաստան չվերադառնալու որևէ պատճառ կամ միտում չունի: Factor.am-ի հետ զրույցում ասաց Խաչատուրովի պաշտպան Միհրան Պողոսյանը:
Փաստաբանն առայժմ չգիտի, թե Յուրի Խաչատուրովը երբ Մոսկվայից Երևան կվերադառնա: «Տեղյակ չեմ: Դեռ չեմ զրուցել նրա հետ»,- նշեց Պողոսյանը:
Հարցին՝ հնարավո՞ր է Հայաստան վերադառնալուց հետո ՀԱՊԿ արդեն նախկին գլխավոր քարտուղարի խափանման միջոցի հարցը վերանայվի, պաշտպանը պատասխանեց. «Անձի նկատմամբ խափանման միջոցի փոփոխություն թույլատրելի է նոր հիմքերի առկայության պարագայում: Այս պարագայում նման հիմք չկա: Յուրի Խաչատուրովի՝ ՀԱՊԿ գլխավոր քարտուղար լինելը ոչ մի նշանակություն չի ունեցել իրավական կարգավորումների շրջանակում, որպեսզի գրավը թույլատրելի ճանաչվի: Իսկ գրավը կալանքին այլընտրանքն է»:
Հիշեցնենք, որ Յուրի Խաչատուրովն այսօր ազատվել է ՀԱՊԿ գլխավոր քարտուղարի պաշտոնից: Նրա պարտականությունները ժամանակավորապես կկատարի Վալերի Սեմերիկովը: Վերջինը լրատվամիջոցներին ասել է, որ ՀԱՊԿ նոր գլխավոր քարտուղարի հարցը, հավանաբար, կքննարկվի նոյեմբերի 8-ին Աստանայում նախանշված ՀԱՊԿ գագաթնաժողովին:
Սեմերիկովը նաև հիշեցրել է, որ Յուրի Խաչատուրովի թեկնածության հետկանչը Հայաստանն է նախաձեռնել:
