24.04.2026 | 19:17
Ըմբշամարտի ԵԱ. Թևանյանը և Խնձրցյանը կգոտեմարտեն բրոնզե մեդալի համար
Արտակ Շաբոյանն արձագանքում է Նիկոլ Փաշինյանի՝ նախկինում իր հասցեին հնչեցրած գնահատականներին. ՏԵՍԱՆՅՈՒԹ
Տնտեսություն
02.11.2018 | 14:54
Դրական եմ վերաբերում քննադատություններին, դրանք նպաստում են աշխատանքի բարելավմանը: Այսօր՝ նոյեմբերի 2-ին, ՀՀ Ազգային ժողովում լրագրողների հետ զրույցում այս մասին հայտարարեց Տնտեսական մրցակցության պահպանման պետական հանձնաժողովի (ՏՄՊՊՀ) նախագահ Արտակ Շաբոյանը՝ արձագանքելով Նիկոլ Փաշինյանի՝ ժամանակին իր հասցեին հնչեցրած քննադատություններին:
2015 թվականին Նիկոլ Փաշինյանը ՏՄՊՊՀ նախագահ Արտակ Շաբոյանին համարել էր փոքր ֆիգուր և առաջարկել ոտքի տակ չընկնել: «Դուք չափազանց փոքր ֆիգուր եք՝ Ձեզ հետ բանավեճի մեջ մտնելու համար։ Իմ բանավեճը Ձեր քաղաքական ծնողների հետ է։ Այնպես որ՝ Ձեզ խորհուրդ կտամ ընդհանրապես ոտքի տակ չընկնել»,- ասել էր Փաշինյանը:
ԱԺ-ում «Հայկական ժամանակ»-ի լրագրողը Շաբոյանին հիշեցրեց այս խոսքերը և հետաքրքրվեց՝ ինչպե՞ս է լեզու գտել Փաշինյանի հետ, որ շարունակում է աշխատել. «Մենք մեր աշխատանքը բարեխիղճ իրականացնում ենք: Նոր Սահմանադրությամբ՝ մեկ տարվա ընթացքում պետք է մեր Հանձնաժողովի նոր անդամներ նշանակվեն Ազգային ժողովի կողմից, վարչապետի առաջադրմամբ: Այս ժամանակահատվածում վարչապետը կարող էր նոր թեկնածու ներկայացնել: Մենք մեր աշխատանքը շարունակում ենք սրտացավորեն անել»:
Հարցին՝ հեղափոխությունից հետո փոխվե՞լ է, Շաբոյանը պատասխանեց. «Ես նույն աշխարհայացքով շարունակում եմ աշխատել: Քննադատություններին միշտ էլ նորմալ եմ վերաբերվել, դրանք միշտ էլ աշխատանքային են եղել: Քննադատություններին ես դրական եմ վերաբերվում, քանի որ դրանք նպաստում են աշխատանքի բարելավմանը»:
Մանրամասները՝ տեսանյութում:
