10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
«Համաներման ակտը շնորհ է, արտոնություն». Արտակ Զեյնալյանը՝ «Սասնա ծռերին» համաներում շնորհելու մասին. ՏԵՍԱՆՅՈՒԹ
Հասարակություն
02.11.2018 | 13:57
Հայաստանում առաջին անգամ չէ, որ կիրառվում է նման համաներում: Այսօր՝ նոյեմբերի 2-ին, տեղի ունեցած ասուլիսում այս մասին հայտարարեց ՀՀ արդարադատության նախարարի պաշտոնակատար Արտակ Զեյնալյանը՝ անդրադառնալով «Սասնա ծռերի» նկատմամբ համաներման կիրառման շուրջ քննադատություններին:
«Հիշում եք՝ 2006 թվականի համաներում, Մարտի 1-ի դեպքերի ամբաստանյալների և մեղադրյալների նկատմամբ էր մեծ հաշվով: Նաև 1996-ի իշխանափոխություններից հետո մարդկանց բանտերից ազատեցին: Այսինքն՝ սա նորություն չէ: Եթե խոսքը գնում է տարբերակված մոտեցման մասին, ապա օրինաչափ վարքագիծը կամ օրինաչափ իրավունքը նախատեսված է քրեական օրենսգրքով»,- հավելեց Արտակ Զեյնալյանը:
Համաներման ակտը, ըստ արդարադատության նախարարի պաշտոնակատարի, տարբերակված մոտեցումների համախումբ է. «Սա իրավունք չէ, սա պետության կողմից պարտականություն չէ, որ ի կատար է ածվում: Սա շնորհ է, արտոնություն, որը պետությունն իրականացնում է իր հայեցողության շրջանակում, հասարակությունից ստացած պատվերի, հանձնարարության շրջանակում»:
Մանրամասները՝ տեսանյութում
