09.03.2026 | 18:47
ԵՀ նախագահը հայտարարել է, որ Իրանում պատերազմի հետևանքները զգացվում են Եվրոպայում՝ բոլոր ոլորտներում
Լռությունը չի նշանակում վերաբերմունքի բացակայություն․ Ոստիկանության պատասխանը Շարմազանովին
Հասարակություն
01.11.2018 | 18:13
Ինչպես ավելի վաղ գրել էինք, այսօր Ազգային ժողովի փոխնախագահ Էդուարդ Շարմազանովը Համաներման մասին օրենքի նախագծի քննարկման ժամանակ ասաց, որ իր համար անթույլատրելի է ՊՊԾ գնդի գրավման մեջ մեղադրվողներին ազատ արձակելը, ինչպես նաև`այս հարցում ՀՀ ոստիկանապետի լռությունը։
Ոստիկանությունն արձագանքել է Շարմազանովի հայտարարությանը և տարածել հետևյալ պարզաբանումը․
«Այսօր ԱԺ փոխնախագահ Էդուարդ Շարմազանովը Ազգային ժողովում ունեցած ելույթում զարմանք է հայտնել ՊՊԾ գնդի գրավմանը մասնակից անձանց համաներման ակտով ազատ արձակելու վարաբերյալ ՀՀ ոստիկանության պետի լռության կապակցությամբ:
Հայտնում ենք, որ ՀՀ ոստիկանության պետը դատավարության մասնակից է, ունի առանձնահատուկ կարգավիճակ, իր վերաբերմունքը նախաքննության ընթացքում արդեն իսկ հայտնել է, իսկ դիրքորոշում կհայտնի նաև դատաքննության ընթացքում: Ուստի, այս ամենով պայմանավորված, լռությունը չի նշանակում վերաբերմունքի բացակայություն»:
