12.10.2026 | 10:15
Երևանում ավելի քան 1 կգ մարիխուանա է հայտնաբերվել․ 4 անձ կալանավորվել է
Այս պահին 200 մլն դոլարի չարաշահումների գործեր են քննվում. Նիկոլ Փաշինյան. ՏԵՍԱՆՅՈՒԹ
Հասարակություն
01.11.2018 | 13:10
Այս պահին, ընդհանուր առմամբ, քննչական տարբեր մարմիններում քննվում է մոտավորապես 200 մլն դոլարի չարաշահումների, յուրացումների, վատնումների վերաբերյալ քրեական գործեր: Այս մասին այսօր՝ նոյեմբերի 1-ին, ՀՀ Ազգային ժողովում ունեցած ելույթում հայտարարեց վարչապետի միակ թեկնածու Նիկոլ Փաշինյանը:
«Այս ծավալն ինքնին մեծ է, բայց ուզում եմ բոլորս արձանագրենք, որ քննչական մարմիններն աշխատում են իրենց հնարավորությունների եզրագծից դեռ մի բան էլ այն կողմ: Եվ սա է պատճառը նաև, որ այս պրոցեսը, նաև վնասների վերականգնման և հատուցման պրոցեսը չի ընթանում այնպիսի արագությամբ, ինչպիսին մենք կցանկանայինք»,- ասաց նա:
Փաշինյանի խոսքով՝ մի բան է վճարվելիք հարկերի ճշտումները, բոլորովին այլ բան է յուրացումների վերականգնումը. «Որովհետև դրա համար պետք է նախաքննություն, պետք է դատաքննություն, պետք է օրինական ուժի մեջ մտած դատավճիռ, որից հետո այդ պրոցեսները կիրականացվեն»:
Մանրամասները՝ տեսանյութում:
