28.04.2026 | 15:55
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
Գրեթե 70 անձ ենթարկվում է հետապնդման՝ քաղաքական դրդապատճառներով․ Էլինար Վարդանյան․ ՏԵՍԱՆՅՈՒԹ
Քաղաքականություն
26.11.2025 | 11:55
«Չեն գործում իրավունքի պաշտպանության մեխանիզմները, իսկ քաղաքական և քաղաքացիական իրավունքներ և երաշխիքներ հռչակող օրենքները դարձել են զուտ հռչակագրային փաստաթղթեր»,- այս մասին ԱԺ «Հայաստան» խմբակցության հրավիրած խորհրդարանական լսումների ժամանակ հայտարարեց պատգամավոր Էլինար Վարդանյանը։
«Ժողովրդավարության հետընթացի պայմաններում, իհարկե, ահագնացել են քաղաքական ճնշումները, և այս պարագայում, մեր տվյալներով, 60-ից ավելի, իսկ իմ գնահատականներով՝ գրեթե 70 անձ ենթարկվում է քրեական հետապնդման, բնականաբար, քաղաքական դրդապատճառներով, իսկ նրանցից գրեթե 40-ը գտնվում են քրեակատարողական հիմնարկներում։
Քրեակատարողական հիմնարկներում են գտնվում Հայաստանյայց Առաքելական Սուրբ Եկեղեցին ներկայացնող արքեպիսկոպոսներ, հոգևոր սպասավորներ և ծառայողներ, Հայրենիքի պաշտպանության գործում իրենց կյանքը նվիրաբերած զինծառայողների ընտանիքների անդամներ կամ հարազատներ, ընդդիմադիր քաղաքական կուսակցությունների ղեկավար մարմինների և երիտասարդական միությունների անդամներ, քաղաքական և քաղաքացիական գործունեություն իրականացնող և կամ քաղաքական իշխանություններին քննադատող անձինք, հասարակական և բարեգործական գործունեություն իրականացնող անձինք, Հայաստանի Հանրապետության և Արցախի Հանրապետության Ազգային ժողովների պատգամավորներ, համայնքի ղեկավարներ, ավագանիներ և տեղական ինքնակառավարման մարմինների աշխատակիցներ»,-նշեց նա։
Մանրամասները՝ տեսանյութում։
