13.05.2026 | 20:37
Քրեական ոստիկանները զանգերի անօրինական տերմինացիայի միջոցով ստվերային եկամուտներ ստացող խումբ են բացահայտել
Չեմպիոնների լիգա․ «Բարսելոնան» ու «Մանչեսթեր Սիթին» պարտվել են․ ՏԵՍԱՆՅՈՒԹ
26.11.2025 | 11:26
Չեմպիոնների լիգայում կայացել են 5-րդ տուրի առաջին խաղային օրվա հանդիպումները։
Իսպանիայի չեմպիոն կատալոնական «Բարսելոնան» հյուրընկալվելիս 0։3 հաշվով պարտվել է Լոնդոնի «Չելսիին» (տեսանյութ)։ Աշխարհի ակումբային չեմպիոնի կազմում աչքի են ընկել բրազիլացի հարձակվող Էստևաոն ու անգլիացի վինգեր Լիամ Դելապը, իսկ «Բարսելոնայի» ֆրանսիացի պաշտպան Ժյուլ Կունդեն գրավել է սեփական դարպասը։ Կատալոնական ակումբը երկրորդ խաղակեսը 10 ֆուտբոլիստով է անցկացրել ուրուգվայցի պաշտպան Ռոնալդ Արաուխոյի հեռացման պատճաառով։
Անգլիական «Մանչեսթեր Սիթին» սեփական խաղադաշտում 0։2 հաշվով անակնկալ պարտություն է կրել Լևերկուզենի «Բայերից» (տեսանյութ)։ Գերմանական ակումբին հաղթանակ են պարգևել իսպանացի կիսապաշտպան Ալեխանդրո Գրիմալդոյի ու չեխ հարձակվող Պատրիկ Շիկի դիպուկ հարվածները։ «Մանչեսթեր Սիթին» 2018 թվականից հետո առաջին անգամ է տնային պարտություն կրում Չեմպիոնների լիգայի խմբային փուլում:
