16.09.2026 | 14:06
Տերը, ձեր պատկերացմամբ, Ռուսաստանն է, դրա համար եք ասում՝ անտեր կմնանք․ Մինասյանը՝ Ֆարմանյանին․ ՏԵՍԱՆՅՈՒԹ
ՀՀ-ի և ԵՄ-ի միջև գործընկերության օրակարգը համալրվել է նաև անվտանգային համագործակցությամբ. Սաֆարյան․ ՏԵՍԱՆՅՈՒԹ
Քաղաքականություն
26.11.2025 | 11:24
Վերջին շրջանում Հայաստանի Հանրապետության և Եվրոպական միության միջև գործընկերության օրակարգը համալրվել է նաև անվտանգային և պաշտպանական ոլորտի համագործակցությամբ։ ԱԺ Եվրոպական ինտեգրման հարցերի հանձնաժողովի նիստի ընթացքում համաձայնագիրը ներկայացնելու ժամանակ հայտարարեց ԱԳ փոխնախարար Մնացական Սաֆարյանը՝ ընդգծելով՝ համաձայնագիրը հնարավորություն կստեղծի նշյալ ուղղություններով ևս համագործակցության խորացման և հետագա ընդլայնման համար։
Ըստ Սաֆարյանի՝ այն հնարավորություն է ընձեռում ճգնաժամերի կառավարման ոլորտում լավագույնս օգտագործել Եվրոպական միության փորձն ու գիտելիքները։
«Կողմերը համաձայնագրով ցանկանում են սահմանել ԵՄ ճգնաժամային կառավարման գործողություններին Հայաստանի մասնակցության ընդհանուր պայմանները՝ նման հնարավոր հետագա մասնակցության շրջանակը սահմանող համաձայնագրում, յուրաքանչյուր կոնկրետ դեպքում, յուրաքանչյուր գործողության համար այդ պայմանները սահմանելու փոխարեն։ Հայաստանի մասնակցությունը Եվրոպական միության առաքելություններին հնարավորություն կընձեռի կողմերի համապատասխան գերատեսչությունների միջև փոխգործակցության հաստատման և/կամ խորացմանը, ինչը կդյուրինացնի հետագա համագործակցությունը տարբեր նախաձեռնությունների շրջանակներում։ Համաձայնագիրը Եվրոպական միության հետ կդառնա այն իրավական շրջանակը, որը կկանոնակարգի այդ համագործակցությունը»,- ասաց Մնացական Սաֆարյանը։
Նրա խոսքով՝ Հայաստանի կողմից ԵՄ ճգնաժամային կառավարման քաղաքացիական գործողության համար գործուղված անձնակազմի, ինչպես նաև ԵՄ ճգնաժամային կառավարման ռազմական գործողության համար տրամադրված անձնակազմի և ուժերի կարգավիճակի հարցերը կարգավորվում են ուժերի կարգավիճակի մասին համապատասխան համաձայնագրով կամ առաքելության կարգավիճակի մասին համապատասխան համաձայնագրով, եթե այդպիսի համաձայնագիր կնքվել է, կամ Եվրոպական միության և պետությունների միջև ցանկացած այլ այնպիսի կարգավորմամբ, որի շրջանակներում իրականացվում է գործողությունը։
Հիշեցնենք, որ 2024 թվականի հունիսի 30-ին ստորագրվել է ՀՀ-ի և ԵՄ-ի միջև Եվրոպական միության ճգնաժամային կառավարման գործողություններում Հայաստանի Հանրապետության մասնակցության շրջանակը սահմանելու մասին համաձայնագիրը։
Մանրամասները՝ տեսանյութում։
