20.10.2026 | 19:00
ՔՊ-ի օգտին քվեարկելու դիմաց երեք անձի արտոնություններ է տրամադրվել․ Հրազդանի համայնքապետարանի պաշտոնյան տնային կալանքի տակ է
«Ծառուկյան» դաշինքը կողմ կքվեարկի համաներման օրինագծին, չնայած մեր առաջարկը չընդունվեց. Նաիրա Զոհրաբյան
Քաղաքականություն
01.11.2018 | 11:46
«Ծառուկյան» դաշինքը կողմ կքվեարկի համաներման օրինագծին, չնայած մեր առաջարկը չընդունվեց: Այս մասին այսօր՝ նոյեմբերի 1-ին, ՀՀ Ազգային ժողովում Համաներման մասին օրինագծի քննարկման ժամանակ հայտարարեց «Ծառուկյան» խմբակցությունից Նաիրա Զոհրաբյանը:
«Ցավում եմ, որ «Ծառուկյան» դաշինքի առաջարկը՝ ընդլայնել համաներման օրինագծի հոդվածները, չընդունվեց: Այդուհանդերձ, կուզենայի մեր իրավական համակարգի մի քանի բացերի վրա կրկին սևեռել ձեր ուշադրությունը: Նորից պիտի խոսեմ ցմահների մասին: 93-ից 14-ը զոհ են ներբանակային անառողջ հարաբերությունների: Դուք դա շատ լավ գիտեք: Եվ այդ գործերը պետք է անպայմանորեն վերանայվեն: Մեկ վկայի ցուցմունքով գործերն անպայման պետք է վերանայվեն»,- նշեց Նաիրա Զոհրաբյանը:
Պատգամավորն ասաց՝ չի հավատում Հայաստանի ՔԿՀ-ների դաստիարակչական ներուժին, և արդարադատության նախարարի պաշտոնակատարին խորհուրդ տվեց չվախենալ առավել շատ կիրառել վաղաժամկետ ազատումը կամ ներումը. «Այդ մարդասիրական գործիքներն առավելապես պետք է կիրառվեն»: Նաիրա Զոհրաբյանը հավելեց, որ այս խնդիրների վերաբերյալ առաջիկայում համապարփակ զեկույց կներկայացնի և առաջարկ կներկայացնի, մասնավորապես՝ ՔԿՀ-ներում տիրող որոշ մտահոգությունների և խնդիրների վերաբերյալ:
Մանրամասները՝ տեսանյութում
