31.10.2026 | 11:33
Հորդառատ անձրևի հետևանքով Երևանում և Կոտայքում ջրալցումներ են եղել․ հեռացվել է մոտ 27 տոննա ջուր
Ալիևը դատապարտել է Ադրբեջանի դեսպանատանը հասցված ռուսական հարվածը․ Ադրբեջանի և Ուկրաինայի նախագահները հեռախոսազրույց են ունեցել
Քաղաքականություն
14.11.2025 | 20:46
Ուկրաինայի նախագահ Վլադիմիր Զելենսկին հեռախոսազրույց է ունեցել Ադրբեջանի նախագահ Իլհամ Ալիևի հետ: Այս մասին Զելենսկին հայտնել է X-ի իր միկրոբլոգում:
«Ես շնորհակալ եմ նրա աջակցության և մեր ժողովրդին ուղղված ցավակցությունների համար: Անցած գիշեր ռուսները հարյուրավոր անօդաչու թռչող սարքեր և հրթիռներ, այդ թվում՝ բալիստիկ, օգտագործել են ուկրաինացիների դեմ: Ցավոք, կան ավերածություններ և վնասներ, այդ թվում՝ Ադրբեջանի դեսպանատան: Նախագահ Ալիևը դատապարտել է այս հարվածը և ընդգծել, որ առաջին դեպքը չէ, երբ ռուսները թիրախավորում են դեսպանատան շենքը և Ադրբեջանի հետ կապված այլ վայրեր»,- նշել է Զելենսկին։
Նա նաև հայտնել է, որ քննարկել են երկկողմ հարաբերությունները և գործընկերության զարգացումը:
Ադրբեջանական կողմի հաղորդմամբ՝ Զելենսկին է զանգահարել Ալիևին։ Նշվում է, որ Զելենսկին դատապարտել է Ուկրաինայում Ադրբեջանի դեսպանատան վարչական շենքի վրա Ռուսաստանի կողմից իրականացված կրկնակի հրթիռային հարձակումը և խորը մտահոգություն հայտնել միջադեպի կապակցությամբ։
Իր հերթին, Ալիևը դատապարտել է Ուկրաինայում Ադրբեջանի դեսպանատան շենքի վրա վերջին հրթիռային հարձակումը և ընդգծել, որ դիվանագիտական առաքելությունների վրա նման հարձակումներն անընդունելի են միջազգային իրավունքի նորմերի և սկզբունքների համաձայն։
Ավեի վաղ Ուկրաինայի նախագահը հայտարարել էր, որ Ռուսաստանի կողմից Կիևի վրա գիշերային հարձակման ժամանակ «Իսկանդեր» հրթիռի բեկորները հարվածել են Ադրբեջանի դեսպանատան շենքին։ Այն լուրջ վնասներ է կրել։
Թարգմանությունը՝ Էմմա Չոբանյանի
