02.10.2026 | 19:53
Մհեր Գրիգորյանը ԶՖԳ-ի պատվիրակության հետ քննարկել է ջրամբարաշինության և ջրային ռեսուրսների ծրագրերը
Կարեն Մուրադյան․ Հունգարիայի հավաքականն ուժեղ մրցակից է․ ՏԵՍԱՆՅՈՒԹ
12.11.2025 | 17:30
Ֆուտբոլի Հայաստանի ազգային հավաքականի կիսապաշտպան Կարեն Մուրադյանը նախախաղային ասուլիսում անդրադարձել է Հունգարիայի հավաքականի դեմ ԱԱ-2026-ի եվրոպական գոտու ընտրական մրցաշարի F խմբի 5-րդ տուրի հանդիպմանը։
«Բոլորս էլ գիտենք, որ Հունգարիայի հավաքականն ուժեղ մրցակից է, բայց կարծում եմ, որ մենք լավ խաղացին առաջին խաղում։ Այդ հանդիպումը կարող էր այլ կերպ դասավորվել։ Պետք է ավելի կարգապահ խաղանք ու ամբողջ խաղի ընթացքում անենք մեր աշխատանքն անմնացորդ նվիրումով։ Կարծում եմ՝ այդ դեպքում կարող ենք հասնել դրական արդյունքի։ Ուրախալի է, որ հավաքականը համալրում են երիտասարդ ֆուտբոլիստներ, միայն ուրախ եմ դրա առթիվ։
Միշտ փորձում եմ լավ հանդես գալ իմ ակումբում, որպեսզի կարողանամ օգուտ տալ հավաքականին»,- ասել է «Արարատ-Արմենիայի» ֆուտբոլիստը։
Հայաստանի հավաքականը հունգարացիներին կընդունի նոյեմբերի 13-ին Վազգեն Սարգսյանի անվան «Հանրապետական» մարզադաշտում, իսկ 3 օր անց Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։
