11.09.2026 | 18:30
Միրզոյանն ընդունել է Պակիստանի՝ ՀՀ-ում նշանակված առաջին դեսպանին
Փաշինյանը չներե՞ց Անդրանիկ Քոչարյանին․ վարչապետը ԱԺ դահլիճ եկավ, երբ պատգամավորն արդեն ավարտում էր ելույթը
Քաղաքականություն
12.11.2025 | 16:06
Նիկոլ Փաշինյանն այդպես էլ չմասնակցեց ԱԺ նիստի այն հատվածին, որտեղ ելույթ էր ունենում ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։ Փաշինյանը դահլիճ վերադարձավ, երբ Քոչարյանն արդեն ավարտել էր ելույթը և պատասխանում էր պատգամավորների վերջին հարցերին։ Վարչապետը, որ նիստի հենց ամենասկզբից ԱԺ-ում հետևում էր բոլոր զեկույցներին ու ելույթներին, այսպիսով, փաստորեն, բոյկոտեց Քոչարյանին։
Հիշեցնենք՝ Անդրանիկ Քոչարյանը մինչ այս ճիշտ ժամանակին չէր ներկայացել Նիկոլ Փաշինյանի մասնակցությամբ ԱԺ նիստին։ Անդրանիկ Քոչարյանի անունը հնչեցնելուց և նրա չներկայանալուց հետո ԱԺ նախագահը նախատեսվածից շուտ՝ ԱԺ կանոնակարգի համաձայն ընդմիջում հայտարարեց։ Ուղիղ հեռարձակման դադարից հետո լրագրողներն արձանագրեցին, որ Քոչարյանի և Փաշինյանի միջև քննարկում է սկսվել, Փաշինյանը բարկացել է։ Անդրանիկ Քոչարյանն ընդմիջման ավարտից հինգ րոպե շուտ ժամանեց ԱԺ դահլիճ, ելույթից առաջ էլ հատուկ ներողություն խնդրեց Նիկոլ Փաշինյանից ու մյուս գործընկերներից, միաժամանակ, մեղադրեց ԱԺ քարտուղարությանը, որ իրեն պատշաճ չեն տեղեկացրել իր ելույթի ժամանակահատվածի մասին, բայց սա չփրկեց իրավիճակը։
Ըստ էության, Փաշինյանն այդպես էլ չներեց Անդրանիկ Քոչարյանին։ Factor.am-ը դիմել է ՀՀ վարչապետի մամուլի խոսնակին Փաշինյանի բացակայության վերաբերյալ մեկնաբանություն ստանալու համար, արձագանք դեռ չկա։
Նարեկ Կիրակոսյան
