27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
«Բարսելոնայի» նախագահը պատասխանել է Մեսիի հնարավոր վերադարձի մասին հարցին
12.11.2025 | 15:55
«Բարսելոնայի» նախագահ Ժոան Լապորտան բացառել է աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսիի վերադարձը կատալոնական ակումբ։
«Ամեն բան չստացվեց այնպես, ինչպես մենք էինք ծրագրել։ Եթե հարգանքի դրսևորումը կարող է ինչ-որ կերպ փոխհատուցել բաց թողածը, դա ճիշտ կլիներ։ Ֆուտբոլիստի կարգավիճակում Մեսիի վերադարձի մասին խոսելն անիրատեսական է»,- Լապորտայի խոսքը մեջբերում է Mundo Deportivo-ն։
Օրեր առաջ 38-ամյա Մեսին այցելել էր «Բարսելոնայի» տնային ստադիոն «Կամպ Նոու»։ «Ոսկե գնդակի» 8-ակի դափնեկիրը նշել էր, որ ինքն ու ընտանիքը շատ են կարոտում Բարսելոնան և ցանկանում են դարձյալ ապրել այդ քաղաքում։
Հիշեցնենք, որ արգենտինացի հարձակվողը «Բարսելոնայի» գլխավոր թիմում հանդես է եկել 2003-2021 թվականներին, 778 խաղում դարձել է 672 գոլի ու 303 գոլային փոխանցման հեղինակ։ Մեսին 2023 թվականից է խաղում «Ինտեր Մայամիում», որն օրեր առաջ երկարաձգել էր նրա հետ գործող պայմանագրի ժամկետը մինչև 2028 թվականը։
