31.10.2026 | 22:55
Հայտնաբերվել է զինծառայողի դի. ՊՆ
Թուրքիայում ՌԴ դեսպանատունն արձագանքել է թուրքական ռազմական օդանավի կործանման հետ կապված մեղադրանքներին
Քաղաքականություն
12.11.2025 | 16:39
Անկարայում ՌԴ դեսպանատունը ցավակցություն է հայտնել Թուրքիայի ռազմաօդային ուժերի C-130 ռազմական բեռնատար օդանավի վթարի կապակցությամբ։ Սակայն ուշագրավ է, որ սոցցանցերի թուրք օգտատերերը սկսել են Մոսկվային մեղադրել վթարի հետ կապված։ Մասնավորապես, X-ի միկրոբլոգում դեսպանատան հաղորդագրության մեջ նշվում է, որ ցավով են տեղեկացել թուրք զինվորների զոհվելու մասին և «ցավակցություն են հայտնում նրանց ընտանիքներին ու բարեկամ թուրք ժողովրդին»։
Օգտատերերը տարբեր մեկնաբանություններ են թողել։ Նրանցից մեկը հույս է հայտնել, որ ռուսները չեն խոցել ինքնաթիռը, հակառակ դեպքում՝ վրեժխնդիր կլինեն։ Մեկ այլ օգտատեր էլ նշել է, որ Ռուսաստանն ընկեր չունի։
Ի պաստախան՝ դեսպանատունը նշել է․ «Մենք ձեր թշնամիները չենք։ Մենք փորձում ենք բարելավել ռուս-թուրքական հարաբերությունները»։
«Մեր ինքնաթիռը խփել է Ռուսաստանը» ոգով մեկնաբանություններին ի պատասխան՝ Ռուսաստանի դեսպանատունը գրել է. «Ինչպե՞ս կարող էր ձեզ մոտ նման միտք ծագել»։
Մեղադրանքներին ի պատասխան՝ դեսպանատունը հրապարակել է C-130-ի կործանման վայրի հետ կապված քարտեզ՝ ընդգծելով, որ այն կապ չունի Ռուսաստանի հետ։
Հիշեցնենք, որ ավելի վաղ Թուրքիայի ՊՆ-ն հայտնել էր, որ կործանված ռազմական ինքնաթիռում գտնվող բոլոր 20 զինծառայողները զոհվել են։
Թարգմանությունը՝ Էմմա Չոբանյանի
