10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ՀՀԿ-ից և ՀՅԴ-ից ինքնաբացարկի դիմումներ են ներկայացվել ԿԸՀ
Քաղաքականություն
02.05.2017 | 18:25
Հայաստանի Հանրապետական և Հայ Հեղափոխական Դաշնակցություն կուսակցությունների պատգամավորական ցուցակներում ինքնաբացարկներ կան։ 168.am-ի հետ զրույցում ՀՀԿ կազմակերպչական հանձնաժողովի նախագահ Ռուբեն Թադևոսյանը հայտնել է, որ ինքնաբացարկի դիմումներն արդեն ուղարկվել են Կենտրոնական ընտրական հանձնաժողով։ Թե ովքե՞ր կամ քանի՞սն են հրաժարվում պատգամավորական մանդատից, Ռ.Թադևոսյանը չի նշել։
Ինչ վերաբերում է Դաշնակցության ներկայացրած ինքնաբացարկի դիմումներին՝ ՀՅԴ ԳՄ ներկայացուցիչ, կուսակցության նախընտրական շտաբի պետ Աղվան Վարդանյանը հայտնել է, որ հստակեցում կլինի վաղը:
ԿԸՀ մամլո քարտուղար Հերմինե Հարությունյանը հաստատել է, որ հանձնաժողովը ստացել է մանդատից հրաժարվելու դիմումներ, սակայն նա նույնպես չի նշել, թե որ թեկնածուներն են ներկայացրել դիմում, և քանի հոգի են նրանք։
«Այժմ հանձնաժողովն ուսումնասիրում է այդ դիմումները։ Վաղը ԿԸՀ-ն նիստ կգումարի, կկազմի արձանագրություն, և կհրապարակվեն մանդատից հրաժարվելու մասին դիմումները»,- եզրափակել է Հ. Հարությունյանը։
