29.06.2026 | 17:50
Պուտինի հետ հանդիպում պահանջած և ապստամբությամբ սպառնացող զինվորականը կալանավորվել է
Էդուարդ Սպերցյան․ Հավաքականում խաղալը միշտ առանձնահատուկ հուզումնալից է
11.11.2025 | 15:15
Հայաստանի հավաքականի ավագ, Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանը ազգային թիմին միանալուց հետո տեսանյութ է հրապարակել իր տելեգրամյան ալիքում։
«Ես արդեն Երևանում եմ։ Հավաքականում խաղալը միշտ առանձնահատուկ հուզումնալից է։ Մինչև Հունգարիայի հավաքականի դեմ հանդիպումն ունենք մի քանի օր։ Կպատրաստվենք»,- տեսանյութին կից գրել է 25-ամյա ֆուտբոլիստը։
Էդուարդ Սպերցյանը Հայաստանի հավաքականի կազմում պատրաստվում է Հունգարիայի և Պորտուգալիայի թիմերի դեմ ԱԱ-2026-ի ընտրական մրցաշարի F խմբի հանդիպումներին։ Եղիշե Մելիքյանի գլխավորած թիմը նոյեմբերի 13-ին Վազգեն Սարգսյանի անվան «Հանրապետական» մարզադաշտում կընդունի հունգարացիներին, իսկ 3 օր անց Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
