31.10.2026 | 15:35
Առաջիկա օրերին հանրապետության առանձին շրջաններում անձրև կտեղա
Հունվարի 27-ին կհարգենք զոհերի հիշատակը, հաջորդ օրը կտոնենք բանակի օրը․ Ռուբեն Ռուբինյան․ ՏԵՍԱՆՅՈՒԹ
11.11.2025 | 11:48
«Առաջին օրը մենք հարգանքի տուրք կմատուցենք հայրենիքի պաշտպանության համար զոհվածներին, կհարգենք նրանց հիշատակը, իսկ հաջորդ օրը՝ որպես շարունակվող կյանքի ու անկոտրում կամքի խորհրդանիշ՝ կտոնենք բանակի օրը»,- ԱԺ-ում իր և Գեղամ Նազարյանի առաջարկած նախագիծը ներկայացնելու ժամանակ ասաց ԱԺ փոխխոսնակ Ռուբեն Ռուբինյանը։
Նախագծի հեղինակներն առաջարկում են հունվարի 27-ը կոչել «Հայրենքի համար զոհվածների հիշատակի օր» և օրը լինի ոչ աշխատանքային։
«Սա չի նշանակում մոռացության մատնել պատմության մեջ կարևորություն ունեցող այլ օրեր, սա չի նշանակում փոխարինել դրանք, նաև տարբեր մարդիկ տարբեր օրերի հետ անձնական, ընտանեկան կապ ունեն և դա նույնպես չի ջնջվում սրանով։ Սա պարզապես սգո օր չէ, սա հիշատակի օր է, սա խոնարհումի օր է»,- ասաց Ռուբինյանը։
ԱԺ-ում նախագծերի ներկայացման ժամանակ ընդդիմությունը ներկա չէր։ Ռուբինյանը լիահույս է, որ նախագիծը կընդունվի ԱԺ միաձայն քվեարկությամբ։
«Կարծում եմ, որ ընդհանրապես, հայրենիքի պաշտպանությունը չպիտի քաղաքականացվի, որովհետեւ հայրենիքը բոլորինս է՝ անկախ նրանից, մենք ՔՊ-ական ենք, դաշնակցական, ՀՀԿ-ական»,- ընդգծեց ԱԺ փոխխոսնակը։
Մանրամասները՝ տեսանյութում։
