Ներդնում ենք Էլեկտրոնային ծանուցումների ամբողջական և փուլային նոր համակարգ․ Սրբուհի Գալյան․ ՏԵՍԱՆՅՈՒԹ

Կառավարությունն առաջարկում է ներդնել ֆիզիկական և իրավաբանական անձանց էլեկտրոնային ծանուցումների նոր համակարգ։ «Ինտերնետով հրապարակային և անհատական ծանոցման մասին օրենքում փոփոխություններ և լրացումներ կատարելու» մասին և կից ներկայացված օրենքների նախագծերի փաթեթն առաջին ընթերցմամաբ ընդունելու հարցը ՀՀ արդարադատության նախարար Սրբուհի Գալյանը ներկայացրել է Ազգային ժողովում։

«Մենք մեր երկրում ունենք այնպիսի իրավիճակ, երբ պետություն քաղաքացի հարաբերություններում, որոշ դեպքերում նաև քաղաքացի-քաղաքացի հարաբերություններում, անձինք չեն կարողանում ծանուցվել պատշաճ և չեն կարողանում իրացնել իրենց իրավունքներն ու պարտականությունները, քանի որ մեր երկրում ներկա պահին չի գործում ինտերնետային ծանուցումների համակարգը։ Նախագծերի փաթեթը միտված է այս խնդիրը լուծելուն»,- ասաց Գալյանը։

Ըստ նախարարի՝ նախագծով ստեղծվում է ամբողջական և փուլային մեխանիզմ, որը կապահովի, որ յուրաքանչյուր անձ համարվի պատշաճ ծանուցված՝ անկախ այն հանգամանքից՝ ծանուցումը փաստացի ստացե՞լ է, թե՞ ոչ։

«Ֆիզիկական անձանց համար գործելու է էլեկտրոնային հարթակ, որտեղ մուտք կիրականացվի խիստ նույնականացման միջոցով։ Եթե անձը մուտք գործի հարթակ, ապա համարվելու է ծանուցված։ Եթե երեք օրվա ընթացքում մուտք չկատարի, ծանուցումը ավտոմատ կերպով կհասցվի հիբրիդային փոստով՝ անձի հաշվառման հասցեով։ Եթե դա ևս չհասցվի կամ անձը հրաժարվի ստանալ նամակը, ծանուցումը կհրապարակվի azdarar.am կայքում, և տեղադրվելուց յոթ օր անց անձը համարվելու է պատշաճ ծանուցված»,- նշեց Սրբուհի Գալյանը։

Մանրամասները՝ տեսանյութում։