ԱՄՆ Սենատն ընդունել է օրինագիծը, որը թույլ է տալիս դադարեցնել շաթդաունը

ԱՄՆ Սենատում ռեկորդային տևողությամբ շաթդաունին վերջ դնելու օրինագիծն անհրաժեշտ աջակցություն է հայտնել։ Այն այժմ պետք է ընդունվի Ներկայացուցիչների պալատի կողմից, գրում է DW-ի ռուսական ծառայությունը։

CNN-ի փոխանցմամբ՝ Սենատի 60 անդամ քվեարկել է փոխզիջումային բյուջեի օրինագծի օգտին, 40-ը՝ դեմ։ Փաստաթղթին կողմ են քվեարկել յոթ դեմոկրատ սենատոր և մեկ անկախ սենատոր, որը աջակցում է դեմոկրատներին։ Մեկ հանրապետական ​​սենատոր՝ Ռենդալ Փոլը, քվեարկել է դեմ։

ԱՄՆ Սենատում հանրապետականների և մի քանի դեմոկրատների միջև գործարքը, որը պետք է շարունակի շաթդաունի ավարտի ճանապարհը, ենթադրում է պայմանավորվածություն առողջության ապահովագրության վճարների հարկային արտոնությունները երկարաձգելու ապագա քվեարկության վերաբերյալ։ Համաձայնությունը նախատեսում է, որ շաթդաունի ընթացքում ազատված դաշնային աշխատակիցները կվերականգնվեն իրենց աշխատանքում և կստանան կուտակված աշխատավարձը։

Շաթդաունը ԱՄՆ-ում շարունակվում է արդեն 41 օր, որը երկրի պատմության մեջ ամենաերկար նման դադարն է։ Հանրապետականների և դեմոկրատների միջև դաշնային բյուջեի շուրջ տարաձայնությունների պատճառով մոտավորապես 750,000 դաշնային աշխատակիցներ արձակուրդ են ուղարկվել առանց վարձատրության։

Բացառություն արվել է միայն կարևորագույն ծառայությունների համար, ինչպիսիք են օդային երթևեկության կառավարումը, ոստիկանությունը, սահմանային պաշտպանությունը և շտապ բժշկական ծառայությունները: Շատ օդային երթևեկության կարգավարներ դադարել էին  աշխատել  ֆինանսական դժվարությունների պատճառով։ Արդյունքում, ԱՄՆ-ում հազարավոր չվերթներ հետաձգվել կամ չեղարկվել էին։ Նոյեմբերի 10-ին Դոնալդ Թրամփը սպառնացել էր «աշխատավարձի խիստ կրճատումներով» այն կարգավարների համար, ովքեր հրաժարվել են կատարել իրենց պարտականությունները աշխատավարձի ձգձգման ընթացքում:

Հիշեցնենք՝ ավելի վաղ ԱՄՆ սենատորները համաձայնության էին եկել դադարեցնել պատմության մեջ ամենաերկար շաթդաունը։

Թարգմանությունը՝ Էմմա Չոբանյանի