27.03.2026 | 18:10
Պետական դավաճանության մեջ մեղադրվողն արդարացվեց // Միրզոյան-Բայրամով հեռախոսազրույց է տեղի ունեցել․ ԼՈՒՐԵՐ
Թուրք նախարարը հայտնել է՝ որ դեպքում կլինի Թուրքիայի, Ադրբեջանի և ՀՀ-ի տրանսպորտի նախարարների եռակողմ հանդիպում
Քաղաքականություն
09.11.2025 | 17:28
Եթե Ադրբեջանը համաձայնություն տա, ապա կարող է կազմակերպվել Թուրքիայի, Ադրբեջանի և Հայաստանի տրանսպորտի նախարարների եռակողմ հանդիպում։ Ադրբեջանական ԶԼՄ-ների հաղորդմամբ՝ այս մասին հայտնել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
Նա ընդգծել է, որ եռակողմ հանդիպման անցկացումը ամբողջությամբ կախված է Ադրբեջանի դիրքորոշումից․
«Մենք հաճախ ենք հանդիպում Ադրբեջանի թվային զարգացման և տրանսպորտի նախարար Ռաշադ Նաբիևի հետ։ Մի քանի հանդիպում էլ ունեցել ենք Հայաստանի տրանսպորտի նախարարի հետ։ Եռակողմ հանդիպման անցկացումն հնարավոր է միայն Ադրբեջանի համաձայնության դեպքում։ Եթե այն տրվի, ապա մենք լիովին պատրաստ ենք, քանի որ Ադրբեջանի դիրքորոշումն ունի մեզ համար մեծ նշանակություն»։
Ավելի վաղ ՆԱՏՕ-ի Խորհրդարանական վեհաժողովում Թուրքիայի ներկայացուցիչ Մևլութ Չավուշօղլուն հայտնել էր, որ Թուրքիայի արտաքին գործերի նախարարությունը խորհրդակցություններ է անցկացնում կողմերի հետ՝ Անթալիայի դիվանագիտական ֆորումի շրջանակներում Ադրբեջանի և Հայաստանի ներկայացուցիչների հանդիպում անցկացնելու վերաբերյալ:
