31.10.2026 | 19:30
Թանկ ու թվային Հայաստան․ ինչ կփոխվի վաղվանից օտարերկրացիների համար․ ՏԵՍԱՆՅՈՒԹ
ԲԱՆԱՎԵՃ. Նոյեմբերի 9, թե՞ օգոստոսի 8. ՀՀ-ն՝ ԱՄՆ-ի և ՌԴ-ի մրցակցության արանքում
Քաղաքականություն
07.11.2025 | 20:00
Այս օրերին լրանում է 44-օրյա պատերազմի ավարտն ազդարարած նոյեմբերի 9-ի հայտարարության 5-րդ տարին, որը, ինչպես հայտնի է, հեղինակել է ՌԴ նախագահ Վլադիմիր Պուտինը։ Սակայն այսօր չկա այդ հայտարարության շահառուն՝ Արցախը․ 5 տարի անց 150,000 հայեր բռնի տեղահանվել են, այն Ադրբեջանի վերահսկողության տակ է։ Չկա Լաչինի միջանցքը, չկա նաև ՌԴ ԱԴԾ զորքերի տեղակայում Մեղրիում, որոնք, ըստ Բաքվի և Մոսկվայի տրամաբանության, պիտի ապահովեին Ադրբեջանի հիմնական մասի և Նախիջևանի երթևեկի անվտանգությունը։
Այսօր կա օգոտսոսի 8-ի վաշինգտոնյան հռչակագիր։ Հայաստանն ու ԱՄՆ-ն մտադիր են ստեղծել համատեղ ձեռնարկություն, որը պետք է իրակնացնի Մեղրիում նոր կոմունիկացիաների կառուցումը և կառավարումը։ Կա նաև 17 կետանոց հայ-ադրբեջանական նախաստորագրված համաձայնագիր։ Այն գուցե ստորագրվի ապագայում։
5 տարի անց արդյո՞ք նոյեմբերի 9-ի հայտարարությունն արդիական կամ գործածելի է, և արդյո՞ք դրան եկել են փոխարինելու օգոստոսի 8-ի վաշինգտոնյան համաձայնությունները՝ Թրամփի ուղու կառուցման համաձայնություն և 17 կետանոց փաստաթղթի նախաստորագրում։
Factor TV-ի տաղավարում հրավիրել ենք բանավեճ, որին մասնակցում են Դավիթ Խաժակյանը՝ ԼՀԿ փոխնախագահ, Նարինե Դիլբարյանը՝ Դեմկուսի փոխնախագահ, Առնոլդ Բլեյանը՝ «Հանուն Հանրապետության» կուսակցության անդամ, Գագիկ Սաֆարյանը՝ «Ղարաբաղ» Կոմիտեի հիմնադիր անդամ, «Պաշտպան հայրենյաց» հիմնադրամի նախագահ, պատմաբան, Վոլոդյա Հակոբյանը՝ ՔՊ կուսակցության անդամ։
Հաղորդումն ամբողջությամբ՝ տեսանյութում։
Ռոբերտ Անանյան
