16.09.2026 | 15:35
Վահագն Խաչատուրյանն ընդունել է Հայաստանում Շվեյցարիայի դեսպանին
Եվրահանձնաժողովը սահմանափակել է ռուսների համար բազմակի մուտքի վիզաների տրամադրումը
Քաղաքականություն
07.11.2025 | 19:18
Եվրահանձնաժողովը սահմանափակել է ռուսների համար բազմակի մուտքի վիզաների տրամադրումը․ ՌԴ քաղաքացիներին այլևս նման վիզաներ չեն տրամադրվի։ Այս մասին հայտարարել է Եվրահանձնաժողովի ներկայացուցիչ Մարկուս Լամերտը։
Նա նշել է, որ ռուսաստանցիներն այժմ պարտավոր կլինեն ամեն անգամ Եվրոպա մեկնելիս դիմել վիզայի համար, ինչը հնարավորություն կտա ավելի մանրակրկիտ ստուգում անցկացնել, փոխանցում է BBC-ի ռուսական ծառայությունը։
Նոր կանոնների համաձայն՝ ԵՄ երկրները կարող են բազմակի մուտքի վիզաներ տրամադրել միայն ԵՄ բնակիչների ընտանիքի անդամներին և տրանսպորտային աշխատողների (նավաստիներ, վարորդներ և գնացքի ուղեկցորդներ)։
Այնուամենայնիվ, որոշակի դեպքերում երկրները կարող են տրամադրել ավելի կարճաժամկետ վիզաներ կամ, ընդհակառակը, մինչև հինգ տարի ժամկետով վիզաներ, մասնավորապես, այլախոհներին, անկախ լրագրողներին, մարդու իրավունքների պաշտպաններին և այլ խոցելի ռուսների ու նրանց ընտանիքի անդամներին։
Նոր կանոնները վերաբերում են միայն Ռուսաստանում բնակվող ՌԴ քաղաքացիներին։
Ավելի վաղ հաղորդվել էր, որ ԵՄ-ն պատրաստվում է ավելի խստացնել ՌԴ քաղաքացիների համար վիզայի տրամադրումը։
Թարգմանությունը՝ Էմմա Չոբանյանի
