02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
«Եթե Հայաստանը չբացի միջանցքը, Ադրբեջանը պետք է ուժ կիրառի»․ Ադրբեջանի Մեջլիսի պատգամավոր
Քաղաքականություն
07.11.2025 | 18:51
Ադրբեջանը պետք է լուրջ բանակցություններ վարի Թուրքիայի, Ռուսաստանի և ԱՄՆ-ի հետ։ Մենք չպետք է մեր կենսական ազգային շահերը կապենք Հայաստանի ներքին քաղաքականության հետ։ Նման հայտարարություն է արել Ադրբեջանի «Արդարություն, իրավունք և ժողովրդավարություն» կուսակցության նախագահ, Միլլի Մեջլիսի անդամ Գուդրաթ Հասանգուլիևը։
«Եթե Հայաստանը միջանցքը բացելու անհապաղ որոշում չընդունի, Ադրբեջանը պետք է ուժ կիրառի՝ մաքրելու միջանցքով անցնող տարածքը, ապա խիստ երաշխիքների ներքո այն հանձնի կա՛մ Ռուսաստանին, կա՛մ Միացյալ Նահանգներին՝ համաձայն 2020 թվականի նոյեմբերի 10-ի կամ 2025 թվականի օգոստոսի 8-ի համաձայնագրերի»,- հայտարարել է նա։
Նա նշել է, որ Հայաստանը փորձում է հասնել հարևանների հետ հաղորդակցության բացմանը՝ իրեն ձեռնտու ձևով, բայց չնայած ցերեկ ու գիշեր անիմաստ խոսելուն, այն չի շտապում իրական քայլեր ձեռնարկել Նախիջևան տանող ճանապարհը բացելու ուղղությամբ։
«Չնայած կային հույսեր, որ ճանապարհի շինարարությունը կսկսվի Վաշինգտոնի հռչակագրից անմիջապես հետո, մենք հիմա ավելի ու ավելի ենք համոզվում, որ նրանք շատ վստահ են դարձել այս փաստաթուղթը ստորագրելուց հետո։ Ադրբեջանը կարող է առաջարկել Հայաստանին ստորագրել խաղաղության համաձայնագիր՝ Նախիջևան տանող ճանապարհի շինարարության անհապաղ մեկնարկով և մոտ ապագայում իրենց սահմանադրությունը փոխելու պարտավորությամբ։ Չնայած Հաղթանակի օրվանից անցել է 5 տարի, Հայաստանը դեռևս որևէ քայլ չի ձեռնարկել այս ուղղությամբ»,- հայտարարել է ադրբեջանցի պատգամավորը։
Թարգմանությունը՝ Էմմա Չոբանյանի
