31.10.2026 | 17:52
Վանաձորում վթարի է ենթարկվել շտապօգնության մեքենա
Վրաստանը շատ կարևոր դեր է խաղացել տարածաշրջանում խաղաղության խթանման գործում․ Կոբախիձե
Քաղաքականություն
07.11.2025 | 14:38
Վրաստանը շատ կարևոր դեր է խաղացել տարածաշրջանում խաղաղության խթանման գործում և շարունակում է շատ կարևոր դեր խաղալ մեր հարևանների՝ Հայաստանի և Ադրբեջանի համար։Այս մասին TRT WORLD-ին տված հարցազրույցում ասել է Վրաստանի վարչապետ Իրակլի Կոբախիձեն, փոխանցում է վրացական Սռաջին ալիքը։
Նա խոսքով՝ սա կնպաստի Հարավային Կովկասի տարածաշրջանում խաղաղության հաստատմանը և կարևոր է նաև երկրների տնտեսությունների բարելավման համար։
«Կարծում եմ՝ այս խաղաղության համաձայնագիրը չափազանց կարևոր է։ Վերջին 35 տարիների ընթացքում Վրաստանը շատ կարևոր դեր է խաղացել տարածաշրջանում խաղաղության խթանման գործում և շարունակում է շատ կարևոր դեր խաղալ մեր հարևանների՝ Հայաստանի և Ադրբեջանի համար, որոնք դեպի ծով ելք չունեցող երկրներ են։ Վրաստանի տնտեսական գործընկերությունը այս երկրների հետ կարևոր դեր է խաղում նրանց տնտեսական զարգացման գործում։ Ահա թե ինչու մենք պարզապես ուրախ ենք, որ երկու երկրների միջև խաղաղության համաձայնագիր է ստորագրվել, և մենք հույս ունենք, որ այն կնպաստի Հարավային Կովկասի տարածաշրջանում խաղաղության հաստատմանը, ինչը կարևոր է մեր երկրների քաղաքական դիրքերի ամրապնդման համար»,-ասել է Կոբախիձեն։
Նա նշել է, որ այժմ երեք երկրներն էլ ունեն բարձր տնտեսական աճի տեմպեր, և դա պայմանավորված է երեք երկրների միջև խաղաղությամբ և գերազանց համագործակցությամբ։
«Հետևաբար, մենք պետք է շարունակենք նույն ճանապարհով։ Սա Վրաստանի տեսլականն է Հարավային Կովկասի տարածաշրջանում զարգացման համար»,- հայտարարել է Վրաստանի վարչապետը։
