29.06.2026 | 19:28
ՔՊ նիստն ավարտվեց. Փաշինյանը մանրամասներ է հայտնում փակ նիստից. ՈՒՂԻՂ
ՌԴ-ն կրկին հարձակվում է կարևոր ենթակառուցվածքների վրա, պետք են նոր պատժամիջոցներ․ Զելենսկի
Քաղաքականություն
06.11.2025 | 14:35
Ուկրաինայի նախագահ Վլադիմիր Զելենսկին հայտնել է, որ գիշերը երկրի վրա ռուսական հարձակմանը մասնակցել է 135 հարվածային անօդաչու թռչող սարք։ Նա որպես օրինակ բերել է Դնեպրոպետրովսկի մարզի վրա հարվածը. Կամենսկի վրա հարձակման հետևանքով վիրավորվել է ութ մարդ, վնասվել է բնակելի շենք, երկաթուղային ենթակառուցվածք, փոխանցում է BBC-ի ռուսական ծառայությունը։
«Նպատակակետերը մեր կրիտիկական ենթակառուցվածքներն են, այն ամենը, ինչը նպաստում է սովորական, խաղաղ կյանքին»,- գրել է Զելենսկին իր սոցցանցերում։
Նա կրկին հայտարարել է, որ անհրաժեշտ է խստացնել Ռուսաստանի դեմ պատժամիջոցները և որոշում կայացնել սառեցված ռուսական ակտիվների վերաբերյալ։
Հաղորդվում է նաև, որ Խարկովի մարզի Բոգոդուխովի շրջանում վերջին 24 ժամվա ընթացքում ռուսական հարձակումների հետևանքով վիրավորվել է վեց մարդ։ Այս մասին հայտնել է վարչակազմի ղեկավար Օլեգ Սինեգուբովը։ Վիրավորների թվում են 49-ամյա տղամարդ, 18-ամյա տղամարդ, 33, 53 և 47 տարեկան կանայք ու 10-ամյա աղջիկ։
Բացի այդ, Ուկրաինայի արտակարգ իրավիճակների պետական ծառայությունը հայտնում է, որ 37-ամյա կին է վիրավորվել Զապորոժիեի շրջանի գյուղերից մեկի վրա ռուսական հարվածի հետևանքով։ Փրկարարները հայտնում են, որ նա հրաժարվել է հոսպիտալացումից։
Թարգմանությունը՝ Էմմա Չոբանյանի
