01.04.2026 | 11:11
Արգենտինայի ու Բրազիլիայի հավաքականների հաղթանակները․ ՏԵՍԱՆՅՈՒԹ
Ադրբեջանի բանակը համապատասխանեցվում է ՆԱՏՕ-ի չափանիշներին՝ թուրքական բանակի հետ համագործակցությամբ․ Ալիևն ընդունել է ՆԱՏՕ-ի պատվիրակությանը
Քաղաքականություն
06.11.2025 | 15:10
Ադրբեջանի նախագահ Իլհամ Ալիևը ՆԱՏՕ-ի պատվիրակության հետ հանդիպման ժամանակ հայտարարել է, որ ադրբեջանական բանակը համապատասխանեցվում է ՆԱՏՕ-ի չափանիշներին, և այս հարցում սերտորեն համագործակցում է թուրքական բանակի հետ։ Այս առումով նա անդրադարձել է Ադրբեջանի՝ դաշինքի հետ հարաբերությունների ընդլայնման դերին։
Ադրբեջանական կողմի հաղորդմամբ՝ զրույցի ընթացքում ընդգծվել է Ադրբեջանի դերը՝ որպես ՆԱՏՕ-ի արժեքավոր գործընկեր, բարձր է գնահատվել ադրբեջանական Զինված ուժերի ներդրումն Աֆղանստանում «Վճռական աջակցություն» գործողությանը և Բաքվի ներդրումը որպես տարածաշրջանային տրանսպորտային և լոգիստիկ կենտրոն։
Քննարկվել են նաև Ադրբեջանի և ՆԱՏՕ-ի միջև համագործակցության հեռանկարները, կարծիքներ են փոխանակվել տարածաշրջանային և գլոբալ հարցերի շուրջ։
Բացի այդ, ՆԱՏՕ-ի պատվիրակության անդաները շնորհավորել են Վաշինգտոնում Ադրբեջանի և Հայաստանի միջև խաղաղության օրակարգի առաջխաղացման գործում ձեռք բերված հաջողությունների համար։
Թարգմանությունը՝ Էմմա Չոբանյանի
