31.10.2026 | 18:51
Երևանի 2 վարչական շրջանում փոշու պարունակությունը գերազանցել է սահմանային շեմը
Եվս մեկ հրդեհ՝ Թումանյան փողոցի սննդի կետերից մեկում
06.11.2025 | 11:43
ՀՀ փրկարար ծառայությունից հայտնում են, որ նոյեմբերի 6-ին, ժամը 10։58-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Թումանյան փողոցի սննդի կետերից մեկում հրդեհ է բռնկվել։
«Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և մեկ ավտոսանդուղք։
Հրդեհը մեկուսացվել է ժամը 11։31-ին»,- ասված է հաղորդագրությունում։
Հիշեցնենք, որ հրդեհ է բռնկվել նաև Կոմիտասի պողոտայի սննդի կետերից մեկում։ «Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և մեկ ավտոսանդուղք»,- նշված է հաղորդագրությունում։
