28.04.2026 | 18:44
Ուկրաինա-Իսրայել սկանդալը թափ է հավաքում. Զելենսկին կոշտ հայտարարություն է արել Իսրայելի հասցեին
Վոլգոգրադում ուկրաինիական ԱԹՍ-ների հարձակման հետևանքով զոհ կա․ ՏԵՍԱՆՅՈՒԹ
Քաղաքականություն
06.11.2025 | 12:45
Ուկրաինական անօդաչու թռչող սարքերը հարձակվել են Վոլգոգրադի վրա, որի հետևանքով տեղի բնակիչ է զոհվել։ Այս մասին հայտնել է Վոլգոգրադի մարզի նահանգապետ Անդրեյ Բոչարովը, գրում է Meduza-ն։
Ըստ նրա՝ նոյեմբերի լույս 6-ի գիշերը Ռուսաստանի ՀՕՊ ուժերը հետ են մղել ուկրաինական անօդաչուների զանգվածային հարձակումը։ 48-ամյա տղամարդը զոհվել է բեկորներից։
ԱԹՍ-ների հարձակման ու բեկորների անկման հետևանքով հրդեհ է բռնկվել նաև Կրասնոարմեյսկի շրջանի արդյունաբերական գոտում։
Կոստրոմայի մարզում Վոլգորեչենսկի (Կոստրոմայից մոտավորապես 40 կիլոմետր հեռավորության վրա) արտակարգ ծառայությունները «զբաղվում են էներգետիկ ենթակառուցվածքների օբյեկտներում հարձակման հետևանքներով», հայտնել է շրջանի ղեկավար Սերգեյ Սիտնիկովը։ Նա հավելել է, որ էլեկտրամատակարարումը չի խափանվել, տուժածներ չկան։
Astra տելեգրամ ալիքի հաղորդմամբ՝ հարձակման է ենթարկվել Վոլգորեչենսկում Կոստրոմայի կոնդենսացիոն էլեկտրակայանը։ Այն Ռուսաստանի ամենամեծ կոնդենսացիոն էլեկտրակայաններից է, արտադրում է երկրի ընդհանուր էլեկտրաէներգիայի մոտ 1,5%-ը:
Թարգմանությունը՝ Էմմա Չոբանյանի
