29.06.2026 | 21:00
Վարչապետին առաջարկել եմ՝ ՔՊ-ն և արևմտյան թևի ուժերը մեկ ցուցակով մասնակցեն ընտրությանը, բայց մերժել է․ Արամ Սարգսյան․ ՏԵՍԱՆՅՈՒԹ
Արցախը եղել է, կա և կլինի. Ռուբեն Վարդանյանը խնդրել է փոխանցել իր երեք մտքերը
Քաղաքականություն
05.11.2025 | 21:07
Բաքվի բանտում գտնվող Արցախի նախկին պետնախարար, գործարար Ռուբեն Վարդանյանը հեռախոսազրույց է ունեցել իր ավագ որդու՝ Դավիթ Վարդանյանի հետ։ Նա խնդրել է փոխանցել իր երեք մտքերը։ Հայտարարությունը տարածվել է Ռուբեն Վարդանյանի Telegram-ի էջում։
«1.1. Արցախը եղել է, կա և կլինի։
2.2. Հավատա ինքդ քեզ՝ որպես Աստծո, բարության և լույսի մի մաս։
3.3. Իսկական հերոսը նա է, ով կարող է հույս վառել այնտեղ, որտեղ չկա. նա, ով դառնում է հենարան ուրիշների համար, երբ նրանք կորցրել են հավատը,- ասել է Վարդանյանը։
Նախօրեին տեղեկացրել էինք, որ « Ռուբեն Վարդանյանը կնոջ՝ Վերոնիկա Զոնաբենդի միջոցով, ուղերձ է փոխանցել «Ավրորայի» համայնքին:
Հիշեցնենք՝ Արցախի նախկին պետնախարար Ռուբեն Վարդանյաննը Ադրբեջանի սահմանապահների կողմից ձերբակալվել է 2023-ի սեպտեմբերի 27-ին Հակարիի կամրջի անցակետում։ Բաքուն Արցախի ռազմաքաղաքական բոլոր ղեկավարներին ծանր մեղադրանքներ է ներկայացրել՝ ահաբեկչությունից մինչև ապօրինի զինված խմբավորումների կազմավորում, ֆինանսավորում։
