22.04.2026 | 23:30
ՀՀ տարածքում ավտոճանապարհները հիմնականում անցանելի են
Թուրքիայի հետ սահմանների բացման մասով առաջիկայում շոշափելի արդյունքներ կունենանք․ Միրզոյան․ ՏԵՍԱՆՅՈՒԹ
Քաղաքականություն
05.11.2025 | 12:34
«Մենք Թուրքիայի հետ ամենօրյա երկխոսություն ունենք, որի վերջնանպատակը սահմանների բացումը և դիվանագիտական հարաբերությունների հաստատումն է»,-այս մասին ասյօր՝ նոյեմբերի 5-ին, լրագրողների հետ զրույցի ընթացում ասել է ԱԳ նախարար Արարատ Միրզոյանը։
Նախարարի կարծիքով առաջիկայում այս ուղղությամբ շոշափելի արդյունքներ կլինեն։ Բացի այդ, նախարարն արձագանքել է Ադրբեջան նախագահ Իլհամ Ալիևի օրերս արած հայտարարությանը․ «Չեմ կարծում, թե կարելի է ասել՝ Ալիևն ասում է, որ այսօր չկա Սևան, կա Գյոյչա»։
Ադրբեջանի նախագահը ասել էր, որ ադրբեջանցիները պետք է վերադառնան Հայաստան, բայց ոչ թե տանկերով, այլ մեքենաներով։ Ադրբեջանի նախագահը 20-րդ դարի սկզբի հին ռուսական կայսերական քարտեզների մասին էր նաև խոսել, «Սևանա լիճ չկա, կա Գյոյչա»՝ ասել էր նա ու պնդել, որ այսօրվա Հայաստանի տեղանունների մեծ մասը ադրբեջանական ծագում ունեն։
«Միևնում է՝ ամենակառուցողական ձևակերպումը չի, և, իսկապես, չէինք ասի, թե տեղավորվում է խաղաղության նարատիվի մեջ: Ես էլ կարող եմ ասել՝ կան բազմաթիվ Ցարական շրջանի քարտեզներ, որտեղ կա Սևան, չեմ էլ ուզում ավելի հետ գնալ պատմության մեջ, որովհետև շատ անհարմար իրավիճակ կարող է ստեղծվել և հայկական տեղանուններ տեսնենք մի քիչ ավելի լայն տարածքի վրա», – ասել է Միրզոյանը:
Մանրամասները՝ տեսանյութում։
Եվգենյա Համբարձումյան
