30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Ադրբեջանցի լրագրողը ՀՀ Սահմանադրության մասին հարց ուղղեց Միրզոյանին․ ՏԵՍԱՆՅՈՒԹ
Քաղաքականություն
05.11.2025 | 11:33
«Հայաստանն իր Սահմանադրության փոփոխությունը Ադրբեջանի հետ հարաբերությունների կարգավորման և խաղաղության համաձայնագրի ստորագրման օրակարգի հարց չի համարում»,-այս մասին «Օրբելի ֆորում 2025»-ի ընթացքում նշել է Հայաստանի արտաքին գործերի նախարար Արարատ Միրզոյանը՝ պատասխանելով ադրբեջանցի լրագրողի հարցին:
«Մենք չենք կիսում ընկալումը, թե մեր Սահմանադրության մեջ Ադրբեջանի համար մտահոգիչ որևէ դրույթ կա: Հետևաբար, մենք չենք ընդունում սա որպես բանակցային օրակարգ և չենք բանակցում սրա շուրջ: Ես նշեցի արդեն՝ խաղաղությունը հաստատված է, մի շարք ամենաէական հարցերի շուրջ համաձայնությունները ձեռք բերված են, ստորագրված են, հրապարակված են, բայց կան հարցեր նաև, որոնց շուրջ երկու երկրները համաձայնության չեն գալիս»,- ասաց Միրզոյանը:
Արտաքին գործերի նախարարը հույս հայտնեց, որ առաջիկա գործընթացները կբերեն խաղաղության համաձայնագրի վերջնական ստորագրմանը և վավերացմանը երկու երկրների խորհրդարանների կողմից:
Մանրամասները՝ տեսանյութում։
Եվգենյա Համբարձումյան
