30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Երբ պատասխանում էիք հարցին, ինձ թվաց՝ Թուրքիայի ԱԳ նախարարն է խոսում. թուրք լրագրողը՝ Արարատ Միրզոյանին․ ՏԵՍԱՆՅՈՒԹ
Քաղաքականություն
05.11.2025 | 11:39
«Օրբելի ֆորում 2025»-ի ժամանակ թուրք լրագրողը ՀՀ ԱԳ նախարար Արարատ Միրզոյանին հարց ուղղելուց առաջ նշեց, որ ԵՄ-ին Հայաստանի անդամակցության մասին Միրզոյանի մտքերը ստիպեցին մտածել, թե «Թուրքիայի ԱԳ նախարարն է խոսում»։
Միրզոյանն այս դիտարկմանը չարձագանքեց և պատասխանեց հայ-թուրքական հարաբերությունների կարգավորման վերաբերյալ հարցին։ Լրագրողին հետաքրքրում էր՝ արդյոք կողմերը բավարար կամք ունեն այդ հարաբերությունները խորացնելու ուղղությամբ․ «Բացի այդ, ռուսներին, իրանցիներին, գուցե, խանգարում կամ անհանգստացնում է տարածաշրջանում ԱՄՆ-ի ներկայությունը»։
Ի պատասխան Միրզոյանն ասաց, որ իրենք վաղուց արդեն հռչակել են բալանսավորված և բալանսավորման արտաքին քաղաքականություն, և կան գնահատականներ, որ աշխարհաքաղաքական այս թեժ շրջանում Հայաստանին հաջողվում է հավասարակշռությունը պահպանել։
«Ռազմավարական գործընկերություն ունենք Միացյալ Նահանգների հետ, ռազմավարական երկխոսություն ունենք և արդեն փորձում ենք բարձրացնել գործընկերության մակարդակը Միացյալ Թագավորության հետ, մի շարք ԵՄ անդամների հետ, էականորեն խորացնում ենք մեր հարաբերությունները ԵՄ-ի հետ, գործընկերություն ունենք Ռուսաստանի Դաշնության հետ:
Բազմիցս ասել ենք, թե ինչպիսի մեծ կարևորություն ենք հաղորդում մեր անմիջական հարևանների հետ հարաբերություններին. չորս հարևանից Վրաստանի և Իրանի հետ ունենք հիանալի հարաբերություններ, Ադրբեջանի և Թուրքիայի հետ փորձում ենք կարգավորել։ Ադրբեջանի հետ խաղաղությունը հաստատված է, փորձում ենք մնացած բաղադրիչներով աշխատել, Թուրքիայի հետ ունենք շատ ինտենսիվ երկխոսություն: Ես շատ մեծ լավատեսություն ունեմ այստեղ, որ կարող ենք աստիճանաբար շոշափելի արդյունքներ գրանցել»,-նշել է նա։
Մանրամասները՝ տեսանյութում։
Եվգենյա Համբարձումյան
