16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Շոյգուն հանդիպումներ կանցկացնի Հայաստանի և Ադրբեջանի գործընկերների հետ
Քաղաքականություն
05.11.2025 | 11:32
ԱՊՀ անդամ պետությունների Անվտանգության խորհուրդների քարտուղարների 13-րդ նիստի ուշադրության կենտրոնում կլինեն ԱՊՀ-ին սպառնացող վտանգները, դրանց արձագանքելու միջոցառումները և Արևմուտքի գաղափարախոսական էքսպանսիային հակազդելը։ Նիստը տեղի կունենա նոյեմբերի 5-ին Մոսկվայում՝ ՌԴ Անվտանգության խորհրդի քարտուղար Սերգեյ Շոյգուի նախագահությամբ։
ՏԱՍՍ-ի հաղորդմամբ՝ Շոյգուն նաև առանձին երկկողմ հանդիպումներ կունենա Ադրբեջանի, Հայաստանի և Բելառուսի գործընկերների հետ։
Անվտանգության խորհրդի մամուլի ծառայությունից ՏԱՍՍ-ին հայտնել են, որ հանդիպման ժամանակ նախատեսվում է քննարկել «ԱՊՀ-ում անվտանգության մարտահրավերներն ու սպառնալիքները, ինչպես նաև համատեղ արձագանքման հնարավոր միջոցառումները»։
Ավելի վաղ Ռուսաստանի Անվտանգության խորհրդի փոխքարտուղար Ալեքսեյ Շևցովը հայտնել էր, որ հանդիպման ընթացքում կքննարկվեն նաև մարդասիրական համագործակցությունը և Արևմուտքի գաղափարախոսական էքսպանսիային հակազդելը։
Շոյգուն նշել է, որ Անվտանգության խորհուրդների քարտուղարների հանդիպումը «վստահության վրա հիմնված շփման իսկապես եզակի ձևաչափ է, որը թույլ է տալիս ոչ միայն բաց և կառուցողականորեն քննարկել անվտանգության օրակարգի ամենաբարդ հարցերը, այլև համատեղ մշակել լուծումներ երկրներն ու ժողովուրդներին արտաքին և ներքին սպառնալիքներից պաշտպանելու համար՝ ընդհանուր ավանդական արժեքների ամուր հիմքի վրա»։
Թարգմանությունը՝ Էմմա Չոբանյանի
